A Real Federación Española de Atletismo (RFEA) fixo público o seu calendario de probas atléticas para a tempada 2021, sempre que a evolución da COVID-19 permita a súa celebración. Nesa relación figuran ata seis probas en territorio galego. Catro delas serán citas co atletismo en ruta na cidade da Coruña, outra será en pista e se celebrará en Vigo e a sexta terá como escenario Negreira. Por outro lado, está pendente de data a Cross Ponte Romana Lugo.
A área de competición e organizacións da RFEA comunicaba a través da circular n º 15 /2021 dirixida a todas federacións autonómicas e clubs, o Calendario Oficial da Tempada 2021. O documento pódese consultar na web da entidade. Como todo nestes tempos de pandemia por mor do coronavirus COVID-19, as restricións sanitarias serán as que determinen finalmente se estas probas poderán celebrarse ou terán que ser adiadas.
Todo o calendario, a expensas da evolución da COVID-19
A propia federación explicaba que “dadas as actuais circunstancias derividas da crise da COVID-19, un dos grandes retos para esta tempada é a elaboración dun calendario oficial, que, en calquera caso, terá a súa execución condicionada pola evolución da pandemia e as decisións que se poidan adoptar por parte das autoridades competentes”
Nese calendario da Real Federación Española de Atletismo (RFEA) recóllense as seis probas que agora mesmo consta que se disputarían en territorio galego.
No mes de febreiro, en principio fixada para o día 14, aparece a carreira en ruta da XIII Media Maratón A Coruña 21, unha cita de ámbito estatal.
Tamén A Coruña será escenario, no mes de abril, da XV Carreira Popular Coruña 10, unha proba en ruta que aparece marcada no calendario da RFEA para o o día 18 de abril.
Xa no mes de xuño, en concreto o día 5, a cidade herculina acollerá o XXXV Gran Premio Internacional Cantones de Marcha “Sergio Vázquez”.
Vigo acolle tamén en xuño, o día 26 a proba internacional en pista do XI Trofeo Alfonso Posada.
Todas estas probas terán lugar antes dos Xogos Olímpicos de Tokio, que se disputarían do 30 de xullo ao 8 de agosto.
Despois dos Xogos Olímpicos de Tokio
Para o 3 de outubro marcouse a IX Maratón A Coruña 42, unha nova proba de atletismo en ruta que acollerá a cidade herculina e que adoita contar con moito público seguindo as evolucións das atletas nas rúas coruñesas.
Xa o 14 de novembro a localidade de Negreira (A Coruña), será escenario da XXXIX Carreira Popular de Negreira ” A clásica”
Figura no calendario da RFEA, aprazado e con data pendente de decidir, o Cross Ponte Romana Lugo, de ámbito estatal.
A competición da RFEA máis aló de Galicia
Á marxe das probas atléticas que terán como escenario terras de Galicia, no calendario da RFEA destacan putras citas nas que haberá galegas competindo como:
- European DNA Meeting de Clubes mixto de PC, en categorías Absoluta e Promoción, que terá lugar no Velódromo Lluis Puig de Valencia o 30 de xaneiro.
- O Campionato de España de Clubes PC, “Copa RFEA” & “Copa Iberdrola” celebrarase no Palau Sant Jordi de Barcelona o 6 de febreiro.
- Valencia acollerá tamén o Campionato de España Sub 23 PC, 13 e 14 de febreiro.
- A sede do Campionato de España Absoluto PC será Madrid no CD Gallur, os días 20 e 21 de febreiro.
- Castellón acollerá o Campionato de España de Inverno de Lanzamentos Longos de menores, mentres que o Campionato de España de Inverno de Lanzamentos Longos, categoría absoluta, vaise celebrar en Montijo (Badajoz).
- Os días 6 e 7 de marzo celebrarase en Antequera (Málaga) o Campionato de España Sub20 PC.
- O Campionato de España por Federacións Autonómicas de Trail Running muda a súa data inicial e vaise celebrar o 7 de agosto en El Paso (Isla de la Palma).
- A final do Campinato de España de Clubes “Liga RFEA” (H) e “Liga Iberdrola” (M) tanto en División de Honor como en Primeira División vanse disputar conxuntamente en La Nucía (Alicante) os días 12 e 13 de xuño respectivamente.
- O Campionato de España de Medio Maratón Absoluto e Máster se disputará en el Medio Maratón de Oruña de Piélagos (Cantabria).
- La Palma acollerá o Campionato de España de Trail Running absoluto e Máster, así como en categoría Promoción.
- Santi-Ponce (Sevilla) acollerá o Campionato de España de clubs de Campo A Través, coincidindo coa celebración do Cross Internacional de Itálica, o 21 de novembro.
