A AD Cortegada inicia a segunda volta de competición ante o segundo mellor equipo da Liga Feminina 2, o Osés Construción Ardoi. Ambos conxuntos disputarán o encontro ás 16:00 horas no polideportivo de Maristas de Sarriguren, ao atoparse pechadas as instalacións deportivas de Zizur Mayor.
As galegas chegan nunha posición complicada, xogandose o descenso, ao estar a só catro puntos do último clasificado, o Magec Tías. Con dúas fines de semana seguidas con dous partidos en cada unha, o conxunto da AD Cortegada tivo dificultades para aguantar o ritmo e acumulou varias derrotas.
A racha rompeuse contra o propio colista, cunha vitoria sobre as canarias de 86-72 que devolveulle a enerxia ás xogadoras agora dirixidas por Javier Nogueira. Porén, esa misma fin de semana recuperaron o partido da ida contra o Ardoi, cunha derrota no marcador.
O Cortegada perdeu por moi pouco na ida
O anterior partido entre estes dous equipos estivo moito máis igualado do que da a entender a clasificación. Cun 60-68 final, as navarras tiveron que loitar moito por levarse o partido ante un Cortegada que pelexou ata o último momento.
Naquela cita, a xogadora máis destacada estivo do bando local. Foi Cristina Loureiro quen, con 15 puntos e seis rebotes para as galegas, logrou unha valoración de 16 puntos. Seguiuna de preto Amaya Gastaminza para o Ardoi, con 15 créditos valorativos tras anotar 18 tantos e lograr seis rebotes. Gastaminza non poderá disputar a volta, xa que se atopa de baixa por lesión ata dentro dalgunhas semanas, dependendo da súa evolución.
O equipo que agora actuará como local chega con once vitorias e só dous derrotas, nunha tempada exemplar e que de seguir así lles meterá na loita polo ascenso.
