A AD Cortegada loita por non se afundir na Liga Feminina 2. O equipo de Vilagarcía acumula tres derrotas consecutivas, achegándose perigosamente á racha do CB Arxil e do Magec Tías, colista da categoría. A última derrota do Cortegada foi contra o Vega Lagunera Adareva Tenerife, na pista das canarias, cun resultado final de 67-62.
Un moi mal primiero cuarto castigou ás galegas para o resto do encontro. As xogadoras da AD Cortegada saíron completamente desenchufadas ao campo de xogo, O acerto en ataque das canarias non tivo freos nun rival que non logrou puntuar ata o terceiro minuto do partido. Desta forma, tras o primeiro tempo o Adareva tiña unha vantaxe de 12 puntos cun 21-9 no marcador.
Para o segundo tempo as xogadoras de Rubén Domínguez reaccionaron e pisaron o acelerador, logrando darlle a volta ao resultado inicial e impoñéndose cun 29-32 para o descanso. Nesta parte destacou a actuación de Cris Loureiro, que anotou 19 puntos ao final do partido, sendo a máxima anotadora do seu equipo.
Con todo, a segunda parte foi dominada polas locais, que gañaron os dous cuartos restantes. Os minutos iniciais sorrían ás xogadoras do Cortegada, que lograron encadear boas accións colectivas en ataque. Xunto cun triple de Zeltia Presas, a lenta remontada do Adareva aínda semellaba lonxe, e a falta de dez minutos, as visitantes seguían por diante.
O tiro libre castigou ao Cortegada
Pero a chave do partido estivo desde a liña de tiro libre. A diferenza entre as faltas persoales de ambos equipos, realizando o dobre as visitantes, marcou o encontro. O Adareva anotou desta forma 30 dos seus 67 puntos, cunha alta efectividade do 73%.
Así, as canarias, lideradas por Dembele e Peña, colleron a batuta do ataque e adiantaron ás locais no electrónico, logrando unha vantaxe de sete puntos a cinco minutos do final do partido. Un triple de Peña, MVP do partido, parecía sentenciar o duelo, pero o Cortegada seguiu loitando con Zeltia Presas como protagonista con dous triples e unha canasta.
O cuadro dirixido por Rubén Domínguez seguían recortando distancias e no último minuto o luminoso marcaba o empate entre ambos conxuntos. Varios tiros libres case sobre a bocina foi o que marcou a diferenza e inclinou a balanza a favor das locais, cun resultado final de 67-62.
Un final de infarto que, de novo, afasta a vitoria do casilleiro das xogadoras do Cortegada, que seguen na parte baixa da táboa clasificatoria.
FICHA TÉCNICA
67) VEGA LAGUNERA ADAREVA TENERIFE: Alima Dembele (21), Genesis Basaez (5), Noelia Ibañez (3), Isabel Martínez (10), Alba Peña (24) -cinco inicial-. Tamén xogaron: María Luque (-), Aroa Villa (-), Mireya Rodríguez (4), Claudia Reynes (-), Laura Ilunga (-) e Ainhoa Negrín (-).
62) AD CORTEGADA : Cristina Loureiro (19), Sara Gómez (5), Miriam García (-), Teodora Saric (6), Tereza Sedlakova (5) -cinco inicial-. Tamén xogaron: Patricia Vicente (6), Zeltia Presas (14), Lorena Castro (3) e María González (4).
PARCIAIS: 21-9, 8-23, 13-11 e 25-19.
ÁRBITROS: Mikel Wiot e Jesús Rodríguez.
INCIDENCIAS: Partido correspondente á novena xornada da Liga Feminina 2 disputado no complexo deportivo Islas Canarias en San Cristóbal de La Laguna.
