O listado de xogadoras que conforman a primeira convocatoria da Selección Española segue a ampliarse e conta con dúas galegas máis. Majo Corral e Lucía Varela únense a Lucía Prol e a súa compañeira de equipo Inma Lavado na representación do volei galego no combinado estatal.
Desde o luns 19 de abril, a Leonas reuniranse en Guadalajara para unha serie de sesións de adestramento como previa do torneo de clasificación do Campionato de Europa de maio. Despois dun ano e medio sen competir, pronto comezará o axetreado calendario da Selección. Antes do europeo, que terá lugar do 6 ao 15 de maio en Grecia e Austria, as españolas xogarán un bilateral amigable contra Suiza.
Xa no torneo europeo, as Leonas competirán no Grupo C con Grecia, Austria e Noruega como rivais, disputando os tres primeiros partidos en Grecia e a fase de clasificación en Austria. Os dous primeiros clasificados accederán á fase final do Campionato de Europa, previsto desde o 15 ao 30 de agosto, en Croacia, Romanía, Bulgaría e Serbia.
Lucía Prol e Inma Lavado forman parte da concentración desde este luns, pero máis adiante o resto de compañeiras uniránse ás sesións de traballo. Majo Corral o fará cando remate a fase de play off que está a disputar co francés Paris Saint Cloud, mentres que Lucía Varela incorporarase o 26 de abril, procedente do CV CCO 7 Palmas.
A lista completa das 19 xogadoras convocadas
Ás sete primeiras xogadoras convocadas únense outras doce, entre elas Corral e Varela, para completar a lista de Pascual Saurín para o Preeuropeo. Estes son os seus nomes:
- Ariadna Priante – Colocadora – CV CCO 7 Palmas
- Majo Corral – Colocadora – Paris Saint Cloud
- María Antonia Gomila – Líbero – Avarca de Menorca
- Lucía Prol- Receptora – CV Arenal Emevé
- Alba Sánchez – Líbero – CV CCO 7 Palmas
- Lucrecia Castellano – Central – CV CCO 7 Palmas
- Carmen Unzúe – Central – Feel Volley Alcobendas
- Carlota García – Central – Avarca de Menorca
- Raquel Lázaro – Colocadora – Trojans
- Inma Lavado – Central – CV Arenal Emevé
- Anna Newsome – Colocadora – DSV CV Sant Cugat
- Lucía Varela – Central – CV CC0 7 Palmas
- Patricia Llabrés – Líbero – Sanaya Libby’s La Laguna
- Amelia Portero – Receptora – CV Kiele
- María Segura – Receptora – Allianz MTV Stuttgart
- Ana Escamilla – Receptora – UYBA Busto Arsizio
- Raquel Montoro – Oposta – CV CCO 7 Palmas
- Itziar López – Oposta – DSV CV Sant Cugat
- Denia Bravo – Oposta – AD Algar Surmenor
