Seguen a sucederse as anulacións, cancelacións e cambios de data de acontecementos deportivos debido ás precaucións polo coravirus COVID 19. Susana Rodríguez Gacio é a nova damnificada. A paratriatleta galega partía hai dúas semanas, concretamente o pasado 18 de febreiro, cara Abu Dhabi. Na capital dos Emiratos Árabes estaba adestrándose para correr as dúas primeiras carreiras do ano. O plan era tomar parte no WTS Abu Dhabi 2020, pero a proba ven de postpórse como precaución polo COVID 19.
A galega muda os seus plans de adestramento e advirte na súa conta de Instagram que en dúas semanas regresará a pista para competir. Será en España. En concreto, en La Nucia, en Alicante, onde ten previsto participar nos 1.500 metros e os 5.000 metros.
https://www.instagram.com/p/B9KEE97oppY/?utm_source=ig_web_copy_link
Todo forma parte da preparación da paratriatleta galega Susana Rodríguez Gacio para a proba do ano. Trátase da cita esperada por calquera amante do deporte aterra este verán: Os xogos olímpicos. Se o coronavirus non o impide, a cidade de Toquio acollerá tanto os Xogos Olímpicos como os Paralímpicos. Pero, como estamos a constatar, algunhas actividades clasificatorias e mundiais están sendo canceladas polo coronavirus COVID 19, como medida de precaución.
Ademais desta proba de Abu Dhabi hai outras que teñen sufrido modificacións. Está, por exemplo, o preolímpico de basket que muduou a súa cita a principios do mes de febreiro. E hai nada a Federación Internacional de Halterofilia anunciaba na súa web a cancelación do Campionato do Mundo Júnior, onde estaba citada a galega Irene Blanco.
Susana Rodríguez Gacio, unha galega sen límites
No ano 1988 nacía en Vigo a triatleta paralímpica Susana Rodríguez Gacio. Facíao no seo dunha familia que non tiña ningún tipo de ligazón co deporte. Pero ela, moi pronto comprendeu, según explica na súa páxina web, que o deporte sería unha gran ferramenta para ela de desenvolvemento como persona.
A galega ten unha deficiencia visual debido a causa do albinismo. Trátase dunha condición xenética que afecta a unha de cada 17.000 personas de media. Da lugar a falta de pigmento tanto na pel, como no pelo e nos ollos. Esto non supón un obstáculo para Susana. Ela mesma di que “é unha cualidade máis e unha razón para, a pesar de iso, loitar con moita forza para acadar todos os seus soños”. Por se o deporte de elite fose pouco esforzo, esta deportista estudou Fisioterapia e Medicina. O dito, unha galega sen límites.
Comezou no mundo da natación con tan só catro anos e máis adiante optou polo atletismo. Quedouse as portas de disputar os 100 metros lisos nos Xogos Olímpicos de Pequín 2008. A súa ilusión tería que esperar ata os XX.OO. de Río. En decembro de 2016 confirmaron que o triatlón sería un deporte paralímpico. Velaí a súa oportunidade.
Non foi un camiño doado. Tivo que adaptarse ás cincunstancias dos múltiples cambios de regulamento. Pero finalmente acadou a axuda de diferentes patrocinadores e colaboradores e puido estar na saída en Copacabana.
Os seus méritos máis aló dos Xogos de Río
A paratriatleta galega presenta un amplio palmarés acadando o primeiro hito no 2010 en Reino Unido. Foi no Dextro Energy Triathlon – ITU World Championship Series London. No pasado ano, conseguiu subirse ao primeiro chanzo do podio en cinco ocasións e unha ao segundo. Estos son algúns dos seus logros no 2019:
- 1º en Valencia ETU Paratriathlon European Championships cunha marca de 1:10.27
- 1º en 2019 ITU World Triathlon Grand Final Lausanne cunha marca de 1:14.11
- 1º en Groupe Copley World Paratriathlon Series Montreal cunha marca de 1:08.33
- 1º en Yokohama ITU Paratriathlon World Series cunha marca de 1:09:32
- 1º en 2019 Pontevedra ITU Aquathlon World Championships cunha marca de 43:37
- 2º en 2019 Milan ITU World Paratriathlon Series cunha marca de 1:08.42
Esta será a súa undécima tempadas en competicións da Unión Internacional de Triatlón (ITU).
