A cidade da Coruña acollía esta fin de semana o Campionato de España por clubs que no caso das féminas constituía a XXIV Copa da Raíña e no caso masculino a LXIII Copa do Rei. O Club Halterofilia Coruña acadou o bronce feminino e a prata masculina. A haltera galega Irene Blanco Tarela bateu o récord de España Júnior en arrancada ao ser quen de levantar 120 kg cun peso corporal de 87kg. O CH Pabellón de Ourense, que tamén competía na cita, rematou a competición feminina no 12º lugar.
A cita copeira tivo lugar no Pavillón Polideportivo do Club de Mar de San Amaro, na Coruña. Na cita participaban 24 equipos, 12 femininos e outros tantos masculinos. Para este campionato acadaron praza 18 equipos participantes no play off da Liga Nacional Absoluta de Halterofilia. Galicia estivo representada polos equipos: Club Halterofilia Coruña e Club Halterofilia Pabellón de Ourense, que competiron tanto nas probas femininas como nas masculinas.
Como deciamos, na XXIV Copa da Raíña as representantes galegas foron o CH Coruña e o CH Pabellón de Ourense. Os dous clubs se clasificaron o 19 de setembro no play off da Liga Nacional Absoluta xunto con outros 10 equipos máis. O CH Coruña estivo conformado polas deportistas: Ruth Fuentefría, Noelia García, Irene Martínez e Irene Blanco mentres que o CH Pabellón de Ourense, que rematou o torneo en 12ª posición, concursou con: Eva Carrera González (199,537 puntos sinclair), Arancha Puime Casal (191,523 puntos sinclair), Alejandra Argenti (184,165 puntos sinclair) e Eva Fernández Rodríguez (87,250 puntos sinclair).
O CH Coruña pasou de último a terceiro con récord de España
As coruñesas, que adestra Ferenc Szabo, asinaron unha remontada espectacular este campionato. Logo da primeira quenda das catro que tiveron lugar neste torneo, ocupaban o último posto. O motivo foi que a representante coruñesa na quenda inicial finalizou o seu concurso sen acadar un intento válido na modalidade de arrancada e, polo tanto, sumou cero puntos para o casilleiro do conxunto herculino.
As súas compañeiras de equipo superaron ese hándicap e conseguiron que o CH Coruña se subise ao podio no terceiro caixón ao final da competición. O campionato foi para a Escuela Tinerfeña, e a prata para o Elemental de Madrid.
No milagre desta remontada épica do conxunto galego aportaron grandes actuacións a haltera Irene Martínez, que conseguía a segunda mellor marca individual de todo o campionato con 87kg en arrancada e 102 en dous tempos, sumando un total de 189kg. E 256,896 puntos sinclair.
Gran colofón para a Copa da Raíña de Halterofilia co récord de España Junior de Irene Blanco Tarela. 120 kg en dous tempos e medalla de bronce para o Club Halterofilia Coruña.
Noraboa!! pic.twitter.com/alSCshwmVf— A Coruña Deportes (@coruna_deportes) December 13, 2020
Martínez so foi superada pola canaria Ilia Hernández (216 kg total). Por detrás están as marcas da madrileña Ana de Gregorio (170kg total) e a da súa compañeira de equipo, Irene Blanco (210 kg total).
Gran colofón para a Copa da Raíña de Halterofilia co récord de España Junior de Irene Blanco Tarela. 120 kg en dous tempos e medalla de bronce para o Club Halterofilia Coruña.
Noraboa!! pic.twitter.com/alSCshwmVf— A Coruña Deportes (@coruna_deportes) December 13, 2020
A marca de Blanco, que levantou 120 quilogramos en arrancada na categoría de peso corporal de 87 kg, fixo que a coruñesa establecese un novo récord de España júnior.
O CH Coruña, prata na Copa do Rei de halterofilia
A LXIII Copa do Rei celebrouse en seis tandas con 12 participantes cada una delas e un levantador por equipo. No caso do CH Coruña, integraban o equipo José Martínez, Michael Otero, David Mata, os irmáns Carlos e Víctor Castro e Martín Liste.
Os coruñeses fixeron unha gran remontada logo de que na primeira competición se atopasen no posto cuarto e mantivesen o lugar ata a terceira quenda. Xa na cuarta foron quen de subir un posto e na quinta outro. Deste xeito, remataron a competición como subcampións.
O CH Coruña botou en falta a un dos compoñentes habituais do equipo, Peter Nagy que por mor da pandemia de coronavirus non puido ser parte do combinado herculino nesta ocasión.
O campionato marchou para as Illas Canarias xa que os vencedores foron os halteras da Escuela Tinerfeña. O bronce correspondeu ao equipo madrileño Elemental.
Cabe salientar o concurso do haltera coruñés Víctor Castro que acadou a terceira mellor marca individual entre todos os deportistas participantes. Castro ergueu 133 kg en arrancada e 155 kg en dous tempos, 288 en total cun peso corporal de 67 quilogramos.
