- A aposta do Concello da Coruña e a Federación Española de Tríatlon polo Paratríatlon na cidade herculina presenta case un centenar de deportistas en listas de saída procedentes de 29 países.
- Entre as grandes deportistas estará a galega Susana Rodríguez Gacio que gabou a “beleza” do circuíto coruñés e dixo ter “moita ilusión” por afrontar esta competición na súa terra, Galicia.
A Copa do Mundo de Paratríaton A Coruña 2021, que se celebrará o vindeiro domingo 20 de xuño na zona da Mariña Parrote e a súa contorna será a última cita do ciclo preolímpico para os Xogos Paralímpicos de Toquio, confirmando prazas e outorgando últimos puntos ou importantes, ou como test para deportistas coa clasificación xa conseguida.
A aposta do Concello da Coruña e a Federación Española de Tríatlon polo paratríatlon na cidade presenta case un centenar de paratriatletas en listas de saída, procedentes de 29 países, e con varias das estrelas nacionais como a galega Susana Rodríguez Gacio, que hai poucas datas impoñíase na súa categoría das Series Mundiais de Paratríatlon en Leeds, Inglaterra.
A número 1 da clasificación de Paratríatlon afronta a cita na súa terra “con moita ilusión” debido a que tanto Galicia como A Coruña xa albergaron “competicións importantes a nivel nacional e internacional, tamén de Dúatlon e Multideporte, pero nunca na modalidade reina, a olímpica e con carácter oficial e nunhas datas tan próximas a uns Xogos Paralímpicos”.
En opinión da paratriatleta galega “hai moitos anos que non se vía un evento con este nivel” e por iso está “moi contenta ante a posibilidade de correr aquí na Coruña con moitos dos mellores paratriatletas do mundo”.
A paratriatleta galega Susana Rodríguez Gacio declaraba: “Estou moi contenta ante a posibilidade de correr aquí na Coruña con moitos dos mellores paratriatletas do mundo”
A galega Susana Rodríguez Gacio está en forma e asegura que “pechar a clasificación paralímpica en casa é mellor que facelo fose ou viaxando lonxe de España”.
Na súa categoría na carreira da Coruña, Susana explica que “faltarán un par de deportistas que aspirarán a estar nas medallas en Toquio pero o resto van estar e o nivel vai ser moi alto”.
A paratriatleta galega Susana Rodríguez Gacio gababa a beleza do percorrido coruñés: “É dos máis bonitos do circuíto internacional que seguro que lles vai a resultar sorprendente pola contorna”
As e os paratriatletas atoparanse na Coruña cun dos circuítos “máis bonitos do circuíto internacional que seguro que lles vai a resultar sorprendente pola contorna, sinxelo polo chairo e con poucas complicación”, avanza Susana Rodríguez Gacio. En función da configuración do mesmo “pode resultar máis técnico, con menos posibilidade de adiantamentos, e ser moi importante baixar da bici para empezar a correr entre as posicións de adiante”, explicaba a deportista galega.
Antes da fin de semana, A Coruña acolle Campionatos de España de Tríatlon
As e os case cen paratriatletas rexistrados na Copa do Mundo de Paratriatlón A Coruña 2021 competirán o domingo 20 de xuño a partir das 11:15 h, aínda que a súa presenza notarase, xunto á dos participantes nos Campionatos de España de Tríatlon por Clubs e por Substitucións Mixtas, a partir do xoves.
O sábado 19 de xuño terán a oportunidade de realizar a familiarización co circuíto de natación, coa axuda e apoio do voluntariado da proba e persoal especializado. A cerimonia de premiación final da Copa do Mundo celebrarase ao termo das competicións, ás 14:15 h.
Estos son os países con representación na Copa do Mundo de Paratríatlon A Coruña 2021:
- España
- Austria
- Australia
- Brasil
- Canadá
- Colombia
- Chipre
- Chequia
- Dinamarca
- Finlandia
- Francia
- Gran Bretaña
- Alemaña
- Hungría
- Irlanda
- Italia
- Xapón
- Lituania
- Luxemburgo
- Polonia
- Países Baixos
- México
- Portugal
- República Surafricana
- Rusia
- Eslovaquia
- Tunes
- Ukrania
- Estados Unidos
