- O equipo ourensán do Aceites Abril desprazarase ao Concello de Pontevedra este sábado 17 de setembro para disputar a Copa Galicia.
- Para esta tempada 2022-2023 o Aceites Abril terá como rivais a 11 equipos repartidos polas Comunidades de Asturias, Galicia, Cantabria, Castela e León, Madrid e As Illas Canarias.
O bloque de xogadoras do Aceites Abril CVO atópase en plena pretemporada e esta fin de semana desprazarase ata Pontevedra con motivo da celebración da Copa Galicia.
Esta competición na que participan os catro mellores equipos Senior Femininos do voleibol galego segundo a clasificación da tempada anterior nas súas ligas, terá o seguinte calendario:
SABADO 17- 9 -2022 Pavillón Multiusos A Xunqueira de Pontevedra
- SEMIFINAL 1 / 10:00 ………. CV Arenal Emevé Lugo – CDPF Calasancias
- SEMIFINAL 2 / 10:00 ….…….CV Autos Cancela Zalaeta – Aceites Abril Club Voleyourense
- FINAL / 17:00 ………… Gañadores dos partidos de semifinais.
A Copa Galicia servirá ás xogadoras do O Aceites Abril CVO para coller ritmo de competición de fronte ao primeiro partido da liga regular que será o próximo 8 de outubro no Polideportivo O Pompeo contra o equipo madrileño do CV Rivas.
O Aceites Abril CVO, afronta a súa quinta tempada na Primeira División Feminina de Voleibol (Grupo A), e faio con toda a ilusión posta en seguir manténdose entre os mellores equipos da liga e así poder loitar polo ascenso, do mesmo xeito que na anterior campaña na que quedou a un só punto de entrar na devandita fase.
Como novidade para esta tempada, o calendario de competición será similar ao da campaña anterior no número de equipos, pero contará con 5 equipos novos na categoría: Rivas e Coslada (Madrid), CV Emeve Lugo e Xuvenil Teis (Galicia) e CV Sayre (Gran Canaria).
Ligazón a calendario completo:
https://www.rfevb.com/rfevb/files/competiciones/primera/2223/Feminina/pfa_calendario.pdf
