O primeiro minuto desta volta de semifinal empezou cun intercambio de ocasións de ambos os dous equipos. Cami avisaba das intencións das locais, e na seguinte xogada, o Ourense puxo a proba a Sandra Buzón que fixo unha xenial intervención.
Chegado o minuto dous de partido e Cami adiantaba ao Pescados Rubén Burela despois dunha clásica parede co seu compatriota Dany. Nos primeiros 5 minutos as laranxas buscaban en gol, pero o Ourense Envialia tamén tiña as súas ocasións cun disparo ao pau.
As Guerreiras Laranxas estaban coa posesión e o Ourense Envialia amosábase moi firme na cancha da Mariña xogando co seu resultado favorable de casa. Chegados ao minuto 14, un disparo ao pau de Cami acaba na seguinte xogada en gol de Laura Uña para o Ourense Envialia.
Empataban as ourensás o partido desa semifinal da Copa Galicia de Fútbol Sala da RFGF, pero dous minutos despois, no 16, o Pescados Rubén Burela volvía poñerse por diante por mediación de M. Cortes grazas a unha magnífica asistencia que lle brindaba Cilene.
Nos últimos minutos da primeira parte o Ourense Envialia tivo algunha chegada perigosa e o Pescados Rubén Burela puido aumentar a súa renda cunha dobre ocasión de Ale de Paz que non conseguiu entrar.
A segunda parte empeza con moita tensión, pois ambos os equipos saben o que se xogan neste partido. O ambiente caldeuse e o Burela desplegou todo o seu ataque durante os primeiros 8 minutos, pero non lograron profundar na área local.
A partir do minuto 28, o Pescados Rubén Burela tiraba de xogo de 5, xerando varias ocasións con claros intentos de gol. Con todo, no minuto 31, Judith ía dar un duro golpe tras aproveitarse dun balón perdido das locais en ataque anotando cun disparo o 2-2 a porta baleira. Este transcurso final do partido de baseou no Pescados Rubén Burela tentando marcar a través do seu xogo de 5 e o Ourense Envialia tentanba aproveitar os seus erros.
Nos últimos minutos o Pescados Rubén Burela tivo ocasións crave para anotar pero non se produciu. Despois de innumerables oportunidades para as Guerreiras Laranxas, que puideron en máis dunha ocasión atopar o gol, chegou o fulminante gol de Iria Saeta no último suspiro de encontro para poñer o definitivo 3-3 no marcador.
Emocionante, disputado e igualado partido o protagonizado polo Pescados Rubén Burela e o Ourense Envialia. Ambos os dous conxuntos loitaron ata o final por seguir adiante na Copa Galicia, pero o premio foi para as de Ourense. As da Mariña din adeus á competición nesta eliminatoria e en consecuencia, o seu camiño copeiro acábase nesta fase.
A Raña acollerá a final da Copa Galicia entre Ourense Envialia e Poio
O Ourense Envialia xa coñece quen será o seu rival na final da Copa de Galicia: o Poio Pescamar. Ourensás e pontevedresas xogarán polo títuto copeiro autonómico o 17 de maio (Día das Letras Galegas), na cancha da Raña, en Marín.
Para chegar a ese partido decisivo o equipo que adestra Morenín eliminou a Mosteiro e Burela (vixente campión), e o Poio Pescamar fixo o propio co Marín e o Cidade de As Burgas.
FICHA TÉCNICA
3) PESCADOS RUBÉN BURELA: Sandra Buzón, Dany, Irene Samper, Ale De Paz e Cami – quinteto inicial-. Tamén xogaron: Jenny, Lara Balseiro , Elenita, Bea Mateos, Cilene, M. Cortés, Elenita, Bea Mateos e Emilly.
3) OURENSE ENVIALIA: Elisa, Sara Moreno, Laura Uña, Maria Arias e Chiki – quinteto inicial-. Tamén xogaron: Iria, Marta, Judith, Robinha, Meri, Vane, Jenni Lores, Carla e Zaide.
GOLES: Min 2: 1-0 Cami; Min 14: 1-1 Laura Uña; Min 16: M. Cortés 2-1; Min 31: 2-2 Judith; Min 36 Cilene 3-2; Min 39 Iria 3-3.
EQUIPO ARBITRAL: Borja Pérez Muñiz, Borja, Marcos Pérez Rodríguez, Arcilio Dous Santos Mon.
INCIDENCIAS: Partido correspondente á volta de semifinal da Copa Galicia 2021-22, disputado no pavillón Vista Alegre de Burela.