As semifinais da Copa Galicia de futbol sala feminino xoganse a partido único o vindeiro 22 de febreiro de 2023. Os emparellamentos decidíronse por sorteo. A final terá lugar o 17 de maio de 2023, Día das Letras Galegas.
Os cruces desta Copa Galicia de futsalfem enfrontará a Poio Pescamar e Pescados Rubén Burela no Pavillón da Seca nun dos duelos de semifinais nesta XVI edición e na outra semifinal desta competición do cinco contra cinco galego estarán os equipos do Viaxes Amarelle FSF e o ENCE Marín Futsal, co Pavillón da Sagrada Familia como escenario segundo informa a Real Federación Galega de Fútbol.
Así foron os cuartos da Copa Galicia
Tras lograr o título na pasada campaña, o terceiro nas vitrinas vermellas, na actual tempada o Poio Pescamar estreábase con vitoria ante o CD Mosteiro Bembrive da Segunda División, no partido xogado en outubro logo de ser adiado na súa data inicial de setembro cun resultado de 0-5.
Pola súa parte, a escadra da Mariña venceu na rolda de cuartos de final ó 5 Coruña FS (2-10) no Pavillón de Novo Mesoiro.
As laranxas do Viaxes Amarelle FSF acadaban a clasificación logo dun disputado encontro vencendo ao Ourense Envialia FS na quenda de penaltis (5-4). Coruñesas e ourensás tiñan empatado 1-1 no tempo de xogo.
O ENCE Marín Futsal venceu en cuartos ao FSF Castro cun marcador de 2-3 no Pavillón de Castro Ribeiras de Lea o 3 de setembro pasado.
