Ulla Oil Rosalía e Baxi Ferrol xogan hoxe, mércores 23 de setembro, ás 20.00 horas en Santiago no primeiro cruce da Copa de Galicia.
Despois de tres semanas de traballo, nas que as compoñentes do conxunto departamental foron chegando gradualmente, o BAXI Ferrol disputa esta tarde o seu primeiro partido da temporada 20/21 Ás 20.00 horas, no César Iglesias de Santiago de Compostela, enfrontarase contra o Ulla Oil Rosalía.
Trátase do primeiro partido da fase de grupos da Copa Galicia, no que tamén milita o Maristas de Coruña, dous equipos recentemente ascendidos á Liga Feminina 2.
A única baixa do BAXI é Sune Swart
O conxunto departamental acode á cita con dez xogadoras do primeiro plantel, ademais das juniors Sonia Bra e Carla Peña, que están a facer a pretemporada ás ordes de Lino López. A única baixa é a da pivote surafricana Sune Swart, que aínda non se puido incorporar ao equipo polas restricións que existen para saír do seu país.
O equipo ferrolá espera facer un bo papel no choque desta tarde, no que tratará de mostrar na cancha o traballo realizado nos adestramentos, para tentar conseguir a vitoria fronte o cadro santiagués.
Será un partido no que poderán debutar coa camiseta do BAXI Ferrol as novas incorporacións: a canaria Laura Fernández, a valenciana Irene Garí e as arxentinas Andrea Boquete e Julieta Mungo, que son do equipo ferrolán.
Dada as limitacións que existen na localidade Compostela polo coronavirus, o choque celebrarase sen público.
Así será a XXXIV Copa Galicia
Tal e como explica a Federación galega de Baloncesto, a XXXIV edición da Copa Galicia Sénior Feminina contará coa importante e imprescindible colaboración dos clubs para poder levarse a cabo baixo o rigoroso cumprimento das medidas sanitarias, e cun formato de xogo que enfrontará en fase previa, repartidos en dous grupos, aos equipos de Liga Feminina 2.
Posteriormente, os mellores de cada grupo disputarán unha semifinal da que sairá o equipo que se vexa as caras na final co Durán Maquinaria Ensino, clasificado directamente para a mesma pola súa condición de equipo de Liga Feminina Endesa.
O calendario, con algunhas datas da fase previa xa fixadas, así como confirmadas as da semifinal e final, deixaranos os seguintes enfrontamentos:
Fase Previa
Grupo Sur: AD Cortegada, RC Celta Zorka Recalvi e CB Arxil .
Grupo Norte: BAXI Ferrol, Maristas Coruña e ULLA OIL Rosalía.
1ª Xornada
CORTEGADA – CELTA ZORKA (data a determinar)
BAXI FERROL – MARISTAS CORUÑA (25/09/20. 20.00 h)
2ª Xornada
CELTA ZORKA RECALVI – CB ARXIL (64-59)
ROSALIA CASTRO – BAXI FERROL (23/09/20. 20.00 h)
3ª Xornada
ARXIL – CORTEGADA (26/9/2020 19.30h)
MARISTAS CORUÑA – ROSALIA CASTRO (data a determinar)
Fase Final
Semifinal – 12/10/20
1º GRUPO SUR – 1º GRUPO NORTE
Final – 28/10/20
DURAN MAQUINARIA ENSINO – GAÑADOR “A”
