A décima Copa Deputación de Ourense de Loitas Olímpicas de Competición adaptada sen contacto celebrouse esta semana no pavillón Pompeo e no IES Ramón Otero Pedrayo. A seguridade sobre o tapiz está a procurarse de moitos xeitos coma esta modalidade na que Galicia é pioneira en España e na que se evita o contacto e se loita contra un boneco realizando derrubos.
Esta competición adaptada e pioneira a nivel nacional. A cita introduxo o modelo adaptado as estritas medidas anti COVID-19 #WrestingDummie, ou o que é o mesmo, a loita con bonecos.
A competición contou con dúas quendas con aforo limitado. A primeira delas foi reservouse para as/os loitadoras/es mais pequenas/os. Xa na segunda quenda loitaron os maiores.
Esta competición pioneira en España, ten como obxectivo que os deportistas compitan contra un boneco (varían en función da altura e peso dos competidores), evitando de este xeito o contacto entre os deportistas. Deste xeito o protocolo de prevención da COVID-19 mellórase.
Seis habilidades de derrubo
A competición está establecida en función de seis habilidades específicas de derrubo: que van dende os derrubos máis básicos, ata as proxeccións mais espectaculares.
No formato de Loitas Olímpicas sen contacto wrestling dummie derrúbase un boneco / FEGALOITA
O Club Atila de Ourense, acolleu e coorganizou esta actividade totalmente novidosa en España. A cita tivo unha gran aceptación entre as persoas deportistas, técnicas e colexiadas.
Segundo explican desde a Federación Galega de Loita, FEGALOITA, “Agora as competicións son online, co sumatorio de puntos acadados por cada Club (coas puntuacións parciais dos seus deportistas)”. Destaca a importancia de “volver a competir nun formato adaptado, e seguro. Sen contacto. Hixienizando o material tras cada uso”.
