Durante o pasado sábado, a Federación Galega de Loitas e Disciplinas Asociadas (FEGALOITA) organizou a 11ª Copa Deputación de Ourense de Loitas Olímpicas adaptada á pandemia, celebrándoa sen contacto. O torneo tivo lugar no pavillón municipal de Oira con ‘dummys’ como rivais para as deportistas.
Esta é unha competición é pioneira en España pola súa reinvención deste deporte de contacto milenario, logrando manter vivas as loitas olímpicas durante a pandemia de COVID-19. Este campionato puntuaron as proxeccións e os derribos ao ‘dummy’.
A Copa Deputación celebrouse por categorías de edad e peso, adaptando o ‘dummy’ ás características das deportistas. A Fegaloita dinamiza así o deporte base, que sufrira un parón breve no calendario.
O técnico responsable da competición en Ourense, Rubén Martínez, asegurou que “a toda a mocidade encántalles competir contra os ‘dummys’. Bonecos do tamaño dos deportistas, pero con menor peso, o que facilita as proxeccións e fai desta unha competición diferente e espectacular”.
Tras a xornada da Copa Deputación, o club vencedor foi o Atila de Ourense, seguido pola Escuela Ayude de Santiso, o Club de Luchas El Castro de Vigo e finalizando en cuarta posición o Club A Cambadela da Estrada.
Proximamente, esta competición terá lugar en ámbito nacional, no que será o primeiro campionato de España de Wrestiling Dummy, en palabras da Fegaloita, “unha actividade dinámica e moi espectacular”.
