A ronda de dezaseisavos de Copa da Raíña facía medir forzas a varios equipos galegos de fútbol sala entre si. Finalmente superaron esta fase: Poio Pescamar, Ourense Envialia, Viaxes Amarelle e Pescados Rubén Burela.
O novo formate ven con varias novedades baixo o brazo. En primeiro lugar, non se celebrará como agora entre os 8 primeiros ao final da liga, senón que a disputarán os 16 equipos de Primeira e os catro primeiros de cada grupo de Segunda. En total 32 equipos que xogarán tres roldas a partido único -en decembro, xaneiro e febreiro- para decidir os catro que se xogarán o título nun formato de Final Four.
Duelo entre galegos sen grandes sorpresas
Comezaba esta xornada copeira de futsal coa victoria do vixente campión da competición, o Pescados Rubén Burela que vencía ao Valdetires Ferrol por 2 a 0.
Os goles de Luci e Jenny Lores selaron o pase para oitavos no pavillón ferrolán de Esteiro. As burelistas internacionais anotaron nos minutos 2 e 17 para garantir o primeiro paso nesta competición que estrea formato.
O Viaxes Amarelle vencía ao Cidade de As Burgas nun partido apaixoante que tivo que decidir o gañador na prórroga. Rematado o tempo regulamentario deu comezo a prórroga e o Cidade de As Burgas adiantouse por vez primeira no electrónico. Xa na segunda metade da prórrga, as de Jorge Basanta fixéronse co dominio do encontro. Así, finalmente, o triunfo caeu do lado das herculinas por 5-3.
Pola súa banda, o Ourense Envialia sufría para derrotar por 2 – 4 a un aguerrido San Fernando. A escuadra de Morenín cobrou rápida vantaxe en terras madrileñas cos tantos de Sara Moreno e Judith Pedreira pero as anfitrioas apertaron e recortaron distancias antes do descanso. Non tardou en reaccionar o cadro ourensán, que se beneficiou dun gol en propia meta de Alba e redondeou o seu triunfo cunha diana máis de Judith.
Por último, o Poio Pescamar vencía no derbi pontevedrés ao O Fisgón Futsal por 1-5. O equipo vermello tardou dous minutos en facerse co control do xogo. A partir de aí, as de Marín trataron de ser seguras atrás e cometer o menor número de erros posible para buscar sorprender con algún contragolpe rápido. A diferencia aínda puido ser máis ampla se as de Raúl Jiménez non desperdiciasen dous penaltis.
Resultados de 16º de final da Copa de SM a Raíña do fútbol sala femenino:
- C.F.S. Femenino San Fernando – Ourense CF Envialia 2 – 4
- Valdetires Ferrol F.S.F. – Pescados Ruben Burela 0 – 2
- O Fisgon Futsal – Poio Pescamar F.S. 1 – 5
- Viaxes Amarelle F.S. – Cidade De As Burgas F.S. 5 – 3
A seguinte xornada da Copa da Raíña disputarse na fin de semana do 4 de xaneiro de 2020. Os cruces determinaranse por sorteo a realizarse nos vindeiros días.
