A lista de 24 futbolistas que defenderán a camisola de Galicia no Campionato de España Sub-16 e no Sub-19 de fútbol sala feminino xa teñen nome. A Real Federación Galega de Fútbol (RFGF) fixo públicas as convocatorias de ambas as dúas seleccións galegas.
As Irmandiñas Sub-16 e Sub-10 xa contan as horas para a gran batalla que librarán en terras de Murcia. Os combinados autonómicos galegos viaxarán mañá sábado 14 de xaneiro pola noite para disputar a Fase Única do Campionato de España de Seleccións Autonómicas.
A localidade murciana de Molina del Segura (Murcia) albergará do 16 ao 20 de xaneiro a fase única do Campionato de España Sub-16 e Sub-19 feminino de fútbol sala. Alí estará Galicia coas súas dúas seleccións irmandiñas, loitando por un soño nesta fase única que coroará ao campión de España.
Galicia Sub-19 terá como rivais a Valencia, Navarra e Cantabria
A Comunidade Valenciana, Navarra e Cantabria serán as rivais das nosas no Grupo A. O primeiro clasificado do grupo accederá directamente ás semifinais do Campionato de España.
A Selección Galega de fútbol sala Sub-19 que dirixe Rubén Carballo estrearase na cita o día 16 a partir das 12 horas ante Cantabria. O calendario da fase de grupos é o seguinte:
Bea Seijas, seleccionadora Sub-16
A Selección Galega que dirixe Bea Seijas estrearase na cita o día 16 a partir das 10 horas ante Melilla. Os combinados de Castilla La Mancha e Melilla serán os rivais das nosas no Grupo B. O primeiro clasificado do grupo accederá ás semifinais.
O calendario da fase de grupos para a Irmandiña Sub-16 é o seguinte:
As 24 xogadoras que defenderán as nosas cores na cita estatal do futsalfem de base son as seguintes:
| AS NOSAS 24 PARA MURCIA
Convocatorias das Seleccións Galegas SUB 16 e SUB 19 femininas de FÚTBOL SALA para a fase única do Campionato de España de Seleccións Autonómicas
️ 16-20 de xaneiro
https://t.co/3Jsivj2iBP #SentindoGalicia | #SelecciónGalega pic.twitter.com/AcyTYX0G6y
— Futsal RFGF (@FutsalRFGF) January 13, 2023
Aportan xogadoras a esa lista de 12+12 os seguintes catorce clubs galegos:
- Pescados Rubén Burela
- FSF Castro
- O Parrulo Ferrol FS
- CD Mosteiro Bembrive FS
- CD La Peña
- Poio FS
- Escola Futsal Morrazo
- Viaxes Amarelle FSF
- Ribeira FS
- 5 Coruña FS
- Vilalba FS
- Valdetires FS
- EDM Concello Guitiriz
- Cidade de Aa Burgas FS
