Eva Castro, seleccionadora galega de enduro fixo pública a convocatoria para o Campionato de España da modalidade. Na lista hai sete riders dos cales dúas son mulleres ciclistas: Alba Arias e Arantxa Gómez.
O carrusel de Campionatos de España de BTT no 2023 comeza fóra da península ibérica. O municipio de Puntallana, na illa tinerfeña de La Palma, será o escenario do estatal de enduro o 22 de abril.
“Malia as complicacións loxísticas da viaxe, a Federación Ciclismo Galego (FCG) reafirma a súa aposta pola especialidade do enduro, polas categorías de formación e por impulsar o ciclismo feminino cunha convocatoria formada por sete riders, unha citación que se caracteriza pola súa xuventude e na que aparecen dúas mulleres”, explican desde a Federación.
A expedición da Selección Galega, comandada pola seleccionadora Eva Castro, partirá o mércores 19 de abril dende Santiago de Compostela e estará conformada polos ciclistas:
ELITE FEMININA
- Alba Arias García (CiclosQuintena, C.)
SUB23 MASCULINA
- David Fernández Pérez (Avanza, A.D.)
JÚNIOR MASCULINA
- André Martínez Rodríguez (Avanza, A.D.)
- Uxío Atrio Domínguez (Maceda, C.C)
- Hugo Rosendo Piñeiro (Cerdedo-Cotobade, C.C.)
CADETE FEMININA
- Arantxa Gómez Martínez (OsdoSacho, C.)
CADETE MASCULINA
- Yeray Peláez Taboada (Coruxo, C.C.)
