A Área Deportiva da Federación Galega de Baloncesto súmase as actividades online adaptadas a esta época de de confinamento polo COVID-19 e presenta as súas “Conversas Técnicas Online”.
Trátase dunha actividade que será de acceso para todos aqueles adestradores e adestradoras de baloncesto que o dexesen baixo inscrición previa. Esta proposta consta de tres citas en formato de mesa redonda nas que dar protagonismo ao traballo técnico dos adestradores e tamén a apartados de carácter directivo.
Estas “Conversas Técnicas OnLine” estrearanse o vindeiro mércores 29 de abril (20.00 h) da man da unha primeira sesión con catro protagonistas. Moderará a mesma o director deportivo da FGB, Carlos Colinas. Tomarán a palabra un trío de adestradores de calidade: Diego Ocampo (FC Barcelona – Liga LEB Ouro), Paco Redondo (Adestrador Axudante Real Madrid – ACB) e Antonio Pérez Caínzos. Reuniranse virtualmente para tomar a palabra e compartir experiencia en torno a “Realidade e proxección do xogador U20 nas nosas competicións”.
Esta primeira conversa abrirá a súa vez un calendario que terá dúas novas citas en maio das que a FGB adianta data e temática. Nos vindeiros días a Federación confirmará os seus protagonistas e o proceso de inscrición:
- 04/05/20 – 20.00 h “O Minibasket: recursos e necesidades”
- 07/05/20 – 20.00 h “A xestión Deportiva nun club profesional”
A FGB informa sobre como participar
As “Conversas técnicas OnLine” estarán abertas en cada caso para un máximo de 250 prazas que se cubrirán por rigorosa orde de inscrición e que deberán solicitarse a vía mail enviando un correo a dircursos@fegaba.com e indicando os seus datos persoais (nome, apelidos e clube de procedencia) e a charla na que desexan tomar parte, os interesados recibirán notificación, igualmente por esa vía, de como acceder á mesma.
Para esta primeira charla en calendario, o prazo para solicitar participación xa está aberta e estenderase ata que se cubran a totalidade das prazas dispoñibles, feito que, de suceder, comunicarase publicamente.
