O convenio colectivo do fútbol feminino español está máis preto de ser unha realidade. A piques de rematarse o prazo para tomar unha decisión, a Real Federación Española de Fútbol (RFEF) comunicou que aceptaba a proposta da Asociación de Clubes de Fútbol Feminino (ACFF). Deste xeito, os clubs da Primeira Iberdrola, na que milita o RC Deportivo ABANCA e a Reto Iberdrola, na que xoga o Peluquería Mixta Friol, poderán acceder ao Programa Élite e beneficiarse das súas achegas.
A través do Programa Élite os clubs da Primeira Iberdrola poderán recibir 500.000 euros por tempada ou a parte proporcional desde o momento de asinar se non estaban integrados nel. Pola súa banda, os clubs que militan na categoría Reto Iberdrola poderán precibir 100.000 euros. Estos ingresos facilitan aos clubs poder aceptar as condicións laborais que se solicitaban no preacordo do convenio colectivo do fútbol feminino español.
A través do Programa Élite os clubs da Primeira Iberdrola poderán recibir 500.000 €/tempada e os da Reto Iberdrola 100.000€/tempada.
Ademais, según comunicaba a RFEF, acéptase a proposta da ACFF para televisar dous partidos por xornada “para a empresa coa que a Asociación tiña asinado inicialmente, liberando o resto de partidos aos efectos de conseguir máis ingresos”.
A Federación di que con esta decisión: “pretende dar un impulso definitivo a unha competición que considera prioritaria e pola que ten apostado e invertido firmemente desde o primeiro momento, invitando a todos os clubs a participar nela e a comercializar xuntos os dereitos de televisión para alcanzar un maior valor e unha total consolidación”.
Logo deste comunicado, todo indica que hoxe, mércores 15 de xaneiro de 2020, representantes dos clubs e das xogadoras poderían asinar de xeito definitivo o primeiro Convenio Colectivo do Fútbol Feminino español, convertíndose así nunha data histórica.
A RFEF: “pretende dar un impulso definitivo a unha competición que considera prioritaria e pola que ten apostado e invertido firmemente desde o primeiro momento, invitando a todos os clubs a participar nela e a comercializar xuntos os dereitos de televisión para alcanzar un maior valor e unha total consolidación”.
Que incluía o preacordo?
A mediados de decembro, e logo dunha folga das futbolistas, chegouse a un preacordo que quedaba pendente de rúbrica. Este inicio de acordo incluía cuestións relativas a un salario mínimo para as xogadoras (16.000 € brutos anuais), días de vacacións (30 días naturais) e de descanso, protección no caso de lesións e tamén en caso de embarazo, así como a duración da xornada laboral entre outras cuestións.
