A estrea do Muralla Galicia Emerging non foi a desexada, pero xa se sabe que as cousas non son como empezan, son como acaban.
O conxunto galego que adestra Jos Portos colleitou unha contundente derrota no seu primeiro partido na categoría de prata do rugby estatal. Caeron por un tanteo de 0-35 diante do AD Industriales Las Rozas no Campo Gregorio Pérez Rivera de Lugo.
O adestrador das galegas, Jos Portos, non botaba balóns fóra logo deste resultado. Asumía a derrota. Tratábase dun resultado que, por outro lado, podía entrar dentro do guión previsto. Con todo, o que tamén tiña claro é que o hai marxe de mellora para este grupo. “Pódese perder, pero non nos pode queimar o balón na man. Na final de liga galega xogaron 19 destas rapazas e o fixeron a un nivel alto. Ante o Industriales, non o transmitiron así”, sinalaba sobre o cruce da pasada fin de semana.
Á procura dos motivos que explicasen a derrota do Muralla Galicia Emerging e sobre todo, de facer unha lectura en positivo do cruce, o técnico galego apuntaba que podería incluso deberse á presión recibida polas xogadoras. “Non o sei. Imos tentar que fagan un pouquiño máis de rugby. Téñeno dentro”, asegurou confiando nas posibilidades que teñen estas xogadoras na categoría que da paso á elite.
O certo é que na cancha das Pedreiras as galegas recibiron sete ensaios e non foron quen de facer medrar o seu casilleiro. Os ensaios das rivais viñeron polas esquinas o que motivou que as de Las Rozas non tivesen tan doado transformar e sumar máis puntos no seu marcador. “Superáronnos por fóra e desde aí é difícil transformar”, apuntaba Portos.
Como di o refraneiro: a primeira para aprender. Non foi o debut soñado, pero hai marxe de mellora e toda unha Liga por diante na División de Honra B. A seguinte ocasión para amosar unha mellor tarxeta de visita, téñena as lucenses a vindeira fin de semana. Será en Cataluña, contra o BUC Barcelona o sábado ás 15:00 horas na cancha da Foixarda.
Logo de perder este primeiro partido na categoría de prata, as galegas sitúanse na penúltima praza da táboa clasificatoria. O pechacancelas é o XV Rugby Murcia.
MIRA O PARTIDO COMPLETO NO YOUTUBE DO MURALLA GALICIA EMERGING
FICHA TÉCNICA
MURALLA GALICIA EMERGING: Ángela de la Orden, Mariona Bordas, Iria Graña, Iria Anidos, Carmen Janeiro, Divinia Leis, Eva Ramón, Coro Repulles, Alejandra Fernández, María Veiga, Lucía Hurtado, Ana Sedano, Berta Albors, Guillermina Fernández e Lucía Corrales.
Tamén xogaron: Paula Ben, Aurora Redondo, Meghan Cassidy, Sara Boughara, Danae Viñas, Tania Martínez, Eva Bañobre e Verónica Marí.
AD ING. INDUSTRIALES LAS ROZAS: Macarena Contreras, Marina Iguaz, Paula Diez, Almudena Otero, Paula Corral, Alicia Guio, Mónica Gutiérrez, Carmen Latas, Teresa Chacón, Almudena Rico, Sofía Zabara, María Rivas, Daphne Isabel Socorro, Raquel Guio e Victoria Sarabia.
Tamén xogaron: Jessica Prado, Nathalia Hernández, Reyes Plaza, Lorea González e Alba Villameriel.
MARCADOR:
Min. 10; 0-5 Ensaio de Mónica Gutiérrez.
Min. 22; 0-10 Ensaio de Mónica Gutiérrez.
Min. 36; 0-15 Ensaio de Almudena Rico.
Min. 43; 0-20 Ensaio de Almudena Rico.
Min. 49; 0-25 Ensaio de Jessica Prado.
Min. 74; 0-30 Ensaio de Almudena Otero.
Min. 76; 0-35 Ensaio de Daphne Isabel Socorro.
INCIDENCIAS: Campo Gregorio Pérez Rivera (As Pedreiras) de Lugo. Partido de rugby correspondente á primeira xornada da División Honor B Femenina. Árbitrou o encontro: Carmen Gonzalo.
____________________________________________________________________________
Jos Portos: “Non soubemos que facer co balón e defendemos mal”
O técnico galego advirte que o grupo xa se puxo “o mono de traballo para corrixir erros, imos pasiño a pasiño”
