A novena xornada deixou resultados moi dispares na OK Liga Prata Femenina. O Berenguela non puido pasar do empate ante o Patín Raspeig (2-2), mentres o Raxoi mostrou unha gran superioridade e levou unha clara vitoria fronte ao HC Resa Cambre (3-8). Pola contra, o HC Ponteareas sufriu unha dura derrota ante o Tres Cantos (0-9) e o Traviesas Hockey Club tamén caeu no seu encontro contra o UDC Rochapea (0-2). O partido entre o Marineda Hockey e o Gatikako Iusturi queda aprazado e disputarase o vindeiro 23 de xaneiro.
Empate do Berenguela
O DP Berenguela Axiltec non foi quen de lograr a vitoria ante un Club Promoción Patín Raspeig disposto a poñerlle as cousas difíciles, e tivo que conformarse cun axustado 2-2. As galegas acumulan cinco triunfos nos oito partidos disputados esta tempada, uns resultados que poden parecer positivos, e que lles permiten situarse na 5ª posición da táboa clasificatoria.
Con todo, ás dúas derrotas xa encaixadas súmase agora o empate da última xornada, uns rexistros menos favorables que poderían converterse nun problema se estes tropezos comezan a ser habituais.
FICHA TÉCNICA
RESULTADO: 2-2
EQUIPO ARBITRAL: Erik Rivas Martín
INCIDENCIAS: Partido correspondente á novena xornada da OK Liga Plata Femenina, disputado Pavelló Municipal Sant Vicent de Raspeig
Vídeo do partido
Vitoria do raxoi no duelo galego
O Hockey Club Raxoi impúxose con solvencia ante un HC Resa Cambre que non acadou a súa mellor versión sobre a pista.
O abultado 3-8 reflicte tamén a situación tan distinta que atravesan ambos equipos: mentres o Raxoi ocupa a terceira posición na clasificación do campionato, con 20 puntos, o HC Resa Cambre sitúase a día de hoxe na última praza, con 0 puntos.
Un panorama realmente complicado que o conxunto cambrés debe afrontar con determinación se quere loitar por manter a categoría.
Ver esta publicación en Instagram
FICHA TÉCNICA
RESULTADO: 3-8
EQUIPO ARBITRAL: Francisco José Martínez Suárez
INCIDENCIAS: Partido correspondente á novena xornada da OK Liga Plata Femenina, disputado no Polideportivo Os Campóns de Cambre.
Vídeo do partido
Dura derrota do Ponteareas
O Hockei Club Ponteareas atravesa momentos complicados. Nos nove partidos disputados ata agora, conseguiu unha única vitoria e un empate. As sete derrotas restantes sitúan ao cadro galego na 12ª posición da clasificación.
O último revés chegou na última xornada, cando perdeu por 9-0 ante o Tres Cantos Ibercenter PC, un conxunto de media táboa que, a priori, non parecía capaz de acadar un resultado tan contundente.
FICHA TÉCNICA
RESULTADO: 9-0
EQUIPO ARBITRAL: Diego Garrido Areas
INCIDENCIAS: Partido correspondente á novena xornada da OK Liga Plata Femenina, disputado no Pavillón Municipal Álvaro Pino.
Novo revés para o Traviesas na Ok Liga Prata
O Traviesas Hockey Club sufriu a súa cuarta derrota ligueira nesta tempada, esta vez fronte ao UDC Rochapea, cun resultado de 0-2. O cadro vigués suma catro vitorias, o mesmo número de derrotas e un único empate, uns resultados irregulares que sitúan ao equipo nunha posición de incertidumbre pouco favorable.
Ocupa a 9ª posición da clasificación con 13 puntos, o que lle permite manterse relativamente lonxe dos postos de descenso, pero tamén lle complica achegarse ao podio do campionato. O equipo debe solventar esta situación canto antes e sumar novas vitorias para ser quen de encamiñar a tempada e ascender postos na OK Liga Prata feminina.
Ver esta publicación en Instagram
FICHA TÉCNICA
RESULTADO: 0-2
EQUIPO ARBITRAL: Francisco Javier López Quinteiro. Ficha do partido
INCIDENCIAS: Partido correspondente á novena xornada da OK Liga Plata Femenina, disputado no Pabellón Pablo Beiro.
Partido aplazado do Marineda Hockey
O Marineda Hockey disputará o partido correspondente á novena xornada o próximo venres 23 de xaneiro, ás 20:30 h, fronte ao Gatikako Iusturi.
