Semana de contrastes para Mecalia Atlético Guardés e Conservas Orbe Rubensa Bm Porriño na Copa da Raíña.
Ao incontestable triunfo do conxunto miñoto non puido sumarse un BM Porriño que non soubo sacar proveito da súa vitoria no encontro de ida ante Caja Rural e quedou apeado do torneo logo dunha derrota en terras pucelanas.
Un Guardés demoledor garante a súa presenza na fase final
O Mecalia Atlético Guardés gañouseo seu oco entre os oito equipos que pelexarán por acadar a Copa da Raíña en Donostia dun xeito asoballador ao arroiar ao BM Bolaños por un global de 76-37 nos dous encontros da segunda rolda.
A viaxe inicial á localidade castelá de Bolaños de Calatrava valeulle ao conxunto miñoto para encamiñar unha eliminatoria na que partía coma claro favorito
En terras cidaderealeñas, as xogadoras adestradas por Prades fixeron gala da súa superioridade desde os primeiros compases da contenda e malia o empuxe inicial das locais, alentadas pola súa animosa afeción que abarrotou o Pavillón Macarena Aguilar, o electrónico ao descanso xa marcaba unha cómoda vantaxe de oito tantos para as galegas.
Á volta de vestiarios, as xogadoras adestradas por José Ignacio Prades sacaron a relucir a súa superior categoría para sentenciar a eliminatoria, asestando un parcial de 19-8 co que elevar a distancia ata os 19 goles.
🤗Gracias, @CBMB_Official, por vuestro increíble recibimiento, hospitalidad y ambientazo de vuestra afición.
🔥Nos vemos el sábado para seguir la fiesta. pic.twitter.com/1HsMWygWRm— Mecalia Atlético Guardés (@Atlguardes_ofic) January 26, 2022
O partido de volta, mantivo un guion semellante cun Mecalia Atlético Guardés, incisivo en ataque e moi seguro atrás, que apenas concedeu opcións ao conxunto visitante.
Coa eliminatoria xa resolta, o conxunto miñoto mantivo en todo momento o respeto polo adversario, e polo espírito deportivo, e lonxe de levantar o pé do acelerador, segiu apostando por un xogo ofensivo ata culminar a faena cunha nova vitoria por 36-16.
Alén da clasificación, a nota positiva deste emparexamento foi o gran ambiente que se viviu en ambos pavillóns, nos que as afecións dun e doutro equipo deron unha absoluta lección de deportividade deixando para o recordo imaxes de fraternidade.
🥳 Final! Estaremos en Donostia para a fase final da @CopadelaReina22. Parabéns, equipo!
📆 Volta da segunda rolda
🆚 @CBMB_Official
🔥 A Sangriña
⏱️ 60′
🔢 36-16
#CopadasRaíñas 👑 pic.twitter.com/bxs1a7ZGRU— Mecalia Atlético Guardés (@Atlguardes_ofic) January 29, 2022
O BM Porriño non saca rédito da vitoria na ida
O Conservas Orbe Rubensa Bm Porriño díxolle adeus ás súas posiblidades de formar parte do bombo dos oito equipos clasificados para a fase final da Copa da Raíña. Fíxoo dun xeito especialmente cruel, pois as xogadoras adestradas por Ismael Martínez viron como todo o bo traballo do encontro de ida se foi ao traste na segunda parte da volta cando as vallisoletanas tiraron de carraxe e oficio para revirar a eliminatoria.
O primeiro asalto desta desputada contenda saldouse cunha vitoria das porriñesas por 28-23 en territorio local nun encontro marcado pola súa imperial igualdade no que Micaela Casasola e Haridian Rodríguez guiaron ás branquiazuis á vitoria con 6 tantos cada unha.
🤾♀️O Club Balonmano Porriño @BmPorrino
deu un gran paso para estar na fase final da Copa da Raíña 🏆💪Venceu ao @BmAulaCultural 28-23 no partido de ida da eliminatoria. Unha vantaxe que non é definitiva pero axuda a viaxar a Valladolid con esperanzas de cumprir o obxectivo‼️ pic.twitter.com/9gaYD57ydR
— En Xogo tvG2 (@EnXogo_tvG2) January 27, 2022
Coa bagaxe dos cinco tantos acadada no Municipal, o Conservas Orbe Rubensa Bm Porriño comparecía no Pavillón Huerta del Rey coa complicada empresa de facer valer esta vantaxe e clasificarse para a cita de Donosti.
O inicio do encontro mantivo a tónica do partido de ida, con dou equipo moi sólidamente plantados no 40×20. A idiosincrasia favorecedora ás porriñesas veuse completamente derribada na volta dos vestiarios por mor dunha demoledora segunda parte na que as xogadoras adestradas por Miguel Ángel Peñas estableceron o 30-22 definitivo, e con él, a conseguinte clasificación para a fase final do torneo.
Final do partido, as locais foron superiores na segunda parte e as nosas non poderán estar na próxima Copa‼️@BmAulaCultural 30🆚Conservas Orbe Rubensa Bm Porriño 22
📷 Caja Rural Aula Valladolid@CopadelaReina22
#CopadelaReina2022 pic.twitter.com/THdQl23SLK— Club Balonmano Porriño (@BmPorrino) January 29, 2022
