O Pazo Provincial dos Deportes de Lugo acolle o cruce entre o Durán Maquinaria Ensino e o Lointek Gernika Bizkaia que terá lugar hoxe, mércores 28 de decembro a partir das 20:15 horas. Arbitrarán o choque os colexiados Jacobo Rial Barreiro, Asunción Langa de Martín e Eduard Colomer Castello.
🏀🏀🏀 GAME DAY 🏀🏀🏀
Partido clave en Lugo 🔥
🏆 #LFEndesa J14
🆚 @EnsinoLugoCB
⌚ 20:15
🏟️ Pazo Provincial Dos Deportes
💻 Twitter @BaloncestoESP#GutarikoBat 💜 pic.twitter.com/8qjlQIOfpE— Lointek Gernika Bizkaia (@GKesb) December 28, 2022
O equipo de Gernika é sexto clasificado, mentres que as galegas do Durán Maquinaria Ensino afronta esta 14ª xornada da Liga Femenina Endesa no posto 11º. Suman as lucenses seis partidos gañados e sete perdidos. O seu punto feble son os desprazamentos así que regresan a casa logo de perder co Bembibre. Queren reencontrarse co triunfo ante o seu público.
Enfronte terán a un rival que está por riba na táboa pero que chega tocado. Os tres últimos encontros na Liga Femenina Endesa cóntanos as de Vizcaia como derrotas, polo que buscarán con ansia recuperar a senda dos triunfos a costa das lucenses.
Diante este último reto do ano 2022 o Durán Maquinaria Ensino non poderá contar con Blanca Millán logo de terse confirmado a súa lesión de longa duración. A xogadora ten roto o ligamento do cruzado anterior e o menisco interior do seu xeonllo dereito. O resto do equipo está en condicións para xogar, segundo explicaba en rolda de prensa o técnico Antonio Pernas.
Blanca Millán sufre unha lesión que a terá apartada do Ensino o resto da tempada
Antonio Pernas: “Estanos custando atopar o ritmo fóra da casa”
Como diciamos, o punto feble do Durán Maquinaria Ensino son os desprazamentos. Leva dúas derrotas seguidas. A última contra o Embutidos Pajariel Bembibre PD (73-59).
Ao respecto deste aspecto do xogo o técnico, Antonio Pernas, explicaba na rolda de prensa previa ao partido contra o Gernika: “Fóra de casa estanos custando encontrar o ritmo de xogo nos 40 minutos para intentar disputar o final do partido. Pasounos en Gran Canaria, en Bembibre, en La Seu… Hai que tomar nota. En Bembibre tivemos un bo inicio, pero non fomos quen de manter a agresividade ofensiva para reducir a anotación, axustar detalles defensivos e logo tivemos un apagón de acerto que nos impediu chegar en boas condicións ao final do partido. Non fomos capaces de ter a predisposición necesaria para optar á vitoria”, lamentaba o adestrador.
Coa fin de mellorar explicaba Antonio Pernas que o CB Ensino Lugo tiña “incidido nestes detalles mental e fisicamente nestes detalles de cara á posesión e os balóns perdidos que son un lastre”.
“O Gernica é un equipo ben armado”, di Pernas
Explicaba Antonio Pernas que o rival, Lointek Gernika Bizkaia, “a nivel colectivo é un equipo moi ben armado. A nivel interior e exterior. É o que mellor porcentaxe de tiro efectivo e o mellor en porcentaxe por posesión ten na Liga. Non fai moitas posesións pero as que fai, acerta. Ten varias xogadoras por encima dos 10 puntos polo que involucran a moita xente na anotación”
“O Gernika é un equipo que xoga moi ben ao baloncesto. Veñen dunha mala serie de 3-4 partidos perdidos, imos tentar que sigan esa mala serie”, apunta Antonio Pernas.
Efectivamente o Lointek Gernika Bizkaia chega a Lugo logo de perder na cancha do IDK Euskotren (69-61), derrota na casa co Casademont Zaragoza (59-63), derrota fóra da casa na cancha do Valencia BC (83-73), derrota en feudo propio ante o Tenerife (81-64). Hai que remontarse á novena xornada, catro atrás, para atopar a última vitoria do Gernika. Fo por 62-60, actuando como local contra do Perfumerías Avenida.
Os últimos resultados do Durán Maquinaria Ensino foron derrota co Embutidos Pajariel Bembibre PD (73-59), vitoria na casa co Kutxabank Araski (56-54), nova derrota a domicilio co Spar Gran Canaria (68-52), vitoria en Lugo contra o Innova-TSN Leganés (85-60), a última vitoria como visitante das galegas foi na xornada 9ª contra do IDK Euskotren (60-69).
A lóxica de resultados di que o Ensino é forte na súa casa e que ao Gernika lle está custando gañar, pero todo estará por decidir esta tarde no Pazo a partir das 20:15 horas.
