A loita pola salvación pasa polo pavillón do Porriño nesta xornada. Hoxe, sábado, 14 de maio, ás 18:00 no Pavillón Municipal do Porriño acolle o choque entre Conservas Orbe Rubensa Balonmano Porriño e o Balonmano Morvedre. Este partido corresponde coa vixésimo cuarta xornada da Liga Guerreras Iberdrola.
Esta semana na #LigaGuerrerasIberdrola xogamos un partido moi importante ‼️
📅 Sábado, 14 de maio
🆚 @BMMorvedre
⏰18:00
📍Pavillón Municipal do Porriño
💻En directo por: https://t.co/mMMB9MzgdD📷 @DigMediaSports @SomosABANCA @fdeportegal @deporte_galego pic.twitter.com/vNV8TQsL7v
— Club Balonmano Porriño (@BmPorrino) May 11, 2022
O Club Balonmano Morvedre chega a O Porriño tras medirse co conxunto canario do Zonzamas Cicar Lanzarote. As valencianas se impuxeron por un resultado de 31-26. Con todo, o Bm Morvedre atópase no posto undécimoe da clasificación na Liga Guerreras Ibedrola, cun total de catorce puntos e conta aínda a posibilidade de salvarse e manter a categoría.
Xustamente un posto máis arriba está o Conservas Orbe Rubensa Bm Porriño. As galegas contan con vinte puntos en total. Na última xornada de Liga xogou contra o Caja Rural Aula Valladolid. As porriñesas perderon por un resultado de 26-34. Os dous equipos loitan pola salvación e cada punto suma no casilleiro e nos ánimos a estas alturas da competición ligueira.
Un Balonmano Morvedre que chega a Galicia en liña de mellora
Na previa deste choque, o adestrador porriñés, Ismael Martínez, falando da melloría do Bm Morvedre e destacou a fichaxe de Shandy Barbosa “é unha xogadora que está moi por encima do nivel da liga, ao final é unha xogadora de Champions. Isto notouse no rendemento do equipo nas últimas semanas”.
Sobre o resto das fichaxes do rival desta xornada. Isma Martíñez dixo: “teñen un bo equipo, ficharon a Gabriela Romero que é unha xogadora que achega e a incorporación de Amparo Aguas en portería”.
O Porriño respecta ao rival pero quere a salvación
Ismael Martínez confía no equipo que adestra, o Conservas Orbe BM Porriño, pero ten claro que o rival ao que se enfrontan esta xornada está “a xogar a moi bo nivel. Teñen xogadoras como Celia López ou Malena que é unha central moi difícil de defender, ou sexa melloraron moito”.
Con respecto ao partido, o técnico das galegas sinalou: “temos que saír a gañar. Elas subiron bastante o seu ritmo de xogo, corren máis a transición do que o facían antes”.
Para Ismael Martínez as claves do partido “serán un pouco parar a Shandy para que non sexa protagonista do xogo, porque é unha xogadora que se quere marca moitísimas diferenzas. Respectamos moitísimo ao rival, temos que tentar puntuar por todos os medios”.
Ismael Martínez, adestrador do Conservas Orbe Rubensa BM Porriño, considera que no partido será chave: “Parar a Shandy para que non sexa protagonista do xogo, porque é unha xogadora que se quere marca moitísimas diferenzas. Respectamos moitísimo ao rival, temos que tentar puntuar por todos os medios”.
O partido entre BM Porriño e BM Morvedre, vital para a salvación de ambos os dous equipos, será emitido en directo por streaming desde a canle de Youtube do conxunto galego.
