O Conservas Orbe Rubensa Bm Porriño medíase na xornada sete da liga Guerreras Iberdrola a un vello coñecido, o Caja Rural Aula Valladolid, o escenario foi o Pabellón Huerta del Rey. O resultado, non beneficiou ás galegas que caeron derrotadas por 30-22
Arrincou o partido da man do Conservas Orbe Rubensa Bm Porriño que modificaba o seu sete inicial con variacións na primeira liña, conformada por Vales, Santomé e Bengoetxea. Os dous primeiros ataques do partido non foron frutíferos para ningún dos dous equipos ata pasado o minuto dous no que Prelchi abriría o resultado. A resposta, por parte do Caja Rural Aula Valladolid, foi sinxela e rápido co gol doutra pivote, Marcela Arounian.
Entrado o minuto cinco, O´Mullony volvería marcar para poñer o 2-4 no electrónico. Os ataques do equipo galego estaban a ser longos, chegando a rozar o pasivo, pero atopando bos lanzamentos para portería. En canto á defensa, a súa 6:0 estaba máis adiantado do habitual, xa que así controlaban dunha forma máis fácil o lanzamento exterior das valisoletanas.
O tempo corría e ningún dos dous equipos acababa de atoparse. Con todo, chegaría Elba Álvarez para poñer o gol que situaría un tanto por baixo ao seu equipo e que tras un erro das galegas, Laguna poñería a igualdade.
O Caja Rural Aula Valladolid non tardou en poñerse por encima, pero o ataque do Conservas Orbe Rubensa Bm Porriño estaba a ser efectivo, polo que a igualdade continuaba moi presente. Chegado o primeiro cuarto, o Conservas Orbe Rubensa volveu poñer un gol arriba (8-9).
O intercambio de goles entre o equipo galego e o valisoletano non permitía irse a ningún dos dous conxuntos do resultado, pero tras unha serie de erros do Caja Rural Aula Valladolid volvía poñerse dous goles por arriba o conxunto galego. Minuto 25 e o Conservas Orbe Rubensa Bm Porriño atopábase nunha situación de dúas exclusións e cun resultado de 11-12.
O final do primeiro tempo estaba a chegar e parecía que ningún dos dous equipos despegábase do marcador. Os ataques traballados das porriñesas, xunto cunha defensa moito máis compacta permitiron ao Conservas Orbe Rubensa Bm Porriño irse un tanto por encima ao descanso (14-15).
Baixou a efectividade do BM Porriño
A segunda parte deu comezo co gol de Jimena Laguna. Ao estar en igualdade, o conxunto porriñés optou de novo polos ataques posicionales pausados, pero estaban a atoparse a unha gran Alicia Robles en portería.
Sería no minuto oito, cando o Conservas Orbe Rubensa Bm Porriño veríase dúas abaixo no partido por primeira vez. Ante iso, o técnico porriñes solicitou tempo morto. As porriñesas atopábase obcecadas, pero Casasola tiraría de recursos para non irse do resultado e manter ao seu equipo en partido. Aos poucos e defensa tras defensa, Vales poñería o 19-18 pasado o minuto 10.
Con todo, o Conservas Orbe Rubensa Bm Porriño non estaba nun bo momento e o Caja Rural Aula Valladolid sóuboo aproveitar para que no minuto 13:51 volver coller a vantaxe de tres goles ao seu favor. A defensa galega era intensa, pero a falta de gol estaba a facerse notar.
Maider Barros rompería a seca goleadora batendo a Alicia Robles, o Conservas Orbe Rubensa Bm Porriño pasara case 10 minutos sen marcar. O tempo corría en contra das porriñesas que continuaban catro tantos abaixo (min 24:20, 25-21). Como resposta a defensa pasou a un 5:1 con Aitana no avanzado.
Na recta final do partido, Ismael Martínez volvía solicitar un novo tempo morto (min 26:20) ao ver ao seu equipo seis tantos abaixo. As porriñesas non terminaban de responder diante un Caja Rural Aula Valladolid que se atopaba cómodo. Chegou o final do partido e o Conservas Orbe Rubensa Bm Porriño non puido levar os dous puntos.
FICHA TÉCNICA
30) CAJA RURAL AULA VALLADOLID: Elba Álvarez (6), Jimena Laguna (5), Lydia Blanco, Inoa Lucio (2), María O´Mullony (8), Laura Bazco, Lorena Téllez (4), Irene Botella, Teresa Álvarez, Martina Romero, Marcela Arounian (3), Savina Bergara, Amaia González de Garibay (2), Claudia Moreno, Carmen Sanz y Alicia Robles.
22) CONSERVAS ORBE RUBENSA BM PORRIÑO: Carolina Bono, Mica Casasola (2), Alicia Campo (2), Malena Valles (5), Inés Hernández, Aitana Santomé (1), Aroa Fernández, Maider Barros (4), Sarai Samartín (2), Paulina Buforn (2), Carmen Prelchi (2), Thais Fermo, Carme Castro, Maddi Bengoetxea (2), Ayelén Rosalez y Ana Palomino
MARCADOR CADA CINCO MINUTOS: 2-4, 5-7, 8-9, 10-12, 11-12, 14-15, DESCANSO, 17-16, 19-16, 21-18, 23-19, 25-21, 30-22.
EQUIPO ARBITRAL: A parella arbitral estivo formada por David Montes e Armando Abel Pérez. Por parte do Conservas Orbe Rubensa Bm Porriño excluíron a Carmen Prelchi, Inés Hernández, Malena Valles, Sarai Samartín e Ismael Martínez. Pola parte do Caja Rural Aula Valladolid excluíron a Amaia González de Garibay, Lydia Blanco, Marcela Arounian, María Prieto O´Mullony, Elba Álvarez e Miguel Ángel Peñas.
INCIDENCIAS: Partido correspondente á sétima xornada da Liga Guerreras Iberdrola disputado no Pabellón Huerta del Rey.
