Nesta 14ª xornada da liga Guerreras Iberdrola de balonmán o calendario enfronta ao Gurpea Beti-Onak Azparren Gestión e o Conservas Orbe Rubensa Bm Porriño. O partido está fixado para hoxe, sábado, 11 de febreiro de 2023, ás 16:30 horas. O escenario do cruce será o pavillón polideportivo municipal Hermanos Indurain. Como o encontro está seleccionado como Partido Estrela da xornada e será retransmitido en directo por Teledeporte.
⭐️ ¡Partido ESTRELLA!
📍 Hermanos Indurain
📅 Sábado, 11 de febrero
⏰ 16:30h💪🏼 #AurreraBeti 💚🖤 pic.twitter.com/gCgFEzqSuD
— Gurpea Beti-Onak Azparren Gestión (@Beti_guerreras) February 9, 2023
Ubicado na oitava posición na táboa clasificatoria da Liga Guerreras Iberdrola, o rival das galegas, o Gurpea Beti-Onak Azparren Gestión vén de medirse no seu último partido de Liga ao Motive.Co Gijón. As navarras impuxéronse na casa cun resultado de 26-24. Trátase dun equipo recentemente ascendido pero estaá a facer unha moi boa tempada e posicionándose, como deciamos, no oitavo posto da táboa con 11 puntos no seu haber.
Pola súa banda, o Conservas Orbe Rubensa Bm Porriño na xornada 13ª topouse diante dun gran Zubileta Evolution Zuazo Barakaldo nun partido frenético onde a igualdade quedou demostrada no resultado (23-23). O equipo galego non se atopa no seu mellor momento, pero continúa nos postos nobres da táboa e busca seguir manténdose na loita. As porriñesas son terceiras na clasificación da máxima categoría do balonmán feminino estatal cun total de 17 puntos.
Ismael Martínez: “Queremos seguir enganchadas arriba”
Despois dos últimos encontros disputados nos que o Conservas Orbe Rubensa Bm Porriño non puido conseguir unha vitoria, o adestrador das galegas, Ismael Martínez, puntualizaba a importancia do encontro diante do conxunto navarro. “Para nós empeza a ser un pouco crucial para os nosos intereses, porque queremos seguir enganchadas arriba e todo pasa por seguir sumando. Levamos unhas semanas sen poder facelo e é un partido que nos ilusiona”.
O adestrador do BM Porriño, Ismael Martínez, destacaba a importancia dun triunfo en terras navarras: “queremos seguir enganchadas arriba e todo pasa por seguir sumando. Levamos unhas semanas sen poder facelo e é un partido que nos ilusiona”
O técnico porriñés é consciente das condicións do encontro e, sobre todo, da dificultade de xogar na casa dos seus rival, o Gurpea Beti-Onak A.zparren Gestión. “É un desprazamento longo e unha pista durísima. Están a ser realmente sólidas sobre todo na súa pista”.
En canto ao aspecto técnico, Ismael Martínez destaca o gran traballo defensivo que están a facer os seus rivais “están a ser moi duras a nivel defensivo. Teñen un bloque defensivo, sobre todo en zona central, moi forte”. Tamén destacaba o gran papel que están a facer xogadoras do Gurpea Beti-Onak Azparren Gestión como Lyndie, Valeska, Ayelén ou Olaia –en portería– “é un equipo con moitos recursos e debemos terlle respecto”.
Posibilidade de que o BM Porriño alcance o segundo lugar
Con todo as galegas poderían, de darse ben os resultados, asaltar o segundo posto da clasificación xa que están empatadas a puntos co Costa del Sol Málaga.
As andaluzas do Costa del Sol Málaga reciben na súa casa ao Zubileta Evolution Zuazo Barakaldo. As malagueñas non pueden perder os dous puntos en xogo se non queren que as galegas do BM Porriño as sobrepasen. E non é menor a motivación das de Barakaldo que precisan moitas vitorias para escapar do grupo de play-off de descenso. A cita tendrá lugar na Ciudad Deportiva Carranque, tamén hoxe sábado ás 18:00 horas.
Ismael Martínez apunta como punto a traballar: “Mellorar como bloque os lanzamentos. Estannos lastrando moitísimo. Temos que seleccionar mellor e ser máis eficaces”
Diante das dificultades que está a atopar o conxunto galego explicaba Ismael Martínez que unha das claves pasará por “mellorar como bloque o tema dos lanzamentos, creo que nos está lastrando moitísimo. Temos que seleccionar mellor e ser máis eficaces”.
Ademais, Ismael Martínez cre que manter o nivel defensivo axudará ao Conservas Orbe Rubensa BM Porriño a obter os dous puntos ante o Beti-Onak “temos que proseguir na liña defensiva que está a ser moi boa”.
