Non puido ser. O Conservas Orbe Porriño volve a perder unha semana máis na Liga Guerreras Iberdrola. Deron novamente boas sensacións na pista. Pero un Club Balonmano Elche moi superior impúxose en Porriño por un 25 a 32. Soraia Vieira, por parte das locais, endosou oito tantos. Agora terán a oportunidade de descansar e mellorar para a etapa final da Liga posto que ata abril non haberá competición.
O partido comezaba cun tres a cero por parte das rivais. Saíron moi forte e con gañas de poñer as primeiras pedras para a senda da vitoria. Polo que Isma Martínez tivo que parar antes de levar cinco minutos o encontro para reconducir as súas xogadoras.
“Atragantousenos moito a súa defensa. Foi todo de transicións e ataque e tivemos moitos erros e pérdidas de balón. Na primeira tempo tivemos amor propio e poidemos reducir as distancias, pero na segunda parte foi máis do mesmo. Intentámolo todo. Elche demostrou o equipo que é”, comentaba o adestrador porriñense, para As Nosas.
O que fixo que as tornas cambiaran e estiveran metidas. Volveron a cometer erros e o Balonmano Elche o aproveitou moi ben para facer unha distancia de sete tantos de diferenza: 5 a 12. Pero rapidamente as do Porriño volveron a estar concentradas no partido.
Aproveitaron moi ben tanto a defensa como o ataque e a portaría foi un muro e por primeira vez, o adestrador rival, tivo que deter o tempo posto que as locais impuxéronse por un 11 a 13. Ao descanso, as do Club Balonmano Elche ían cinco por diante cun 12 a 17 no luminoso.
Co descanso, as tornas non cambiaron para o Porriño
Tralo tempo de lecer, o partido seguiu a mesma filosofía do primeiro tempo. As galegas estiveron concentradas pero a falta de dez minutos o Club Balonmano Elche volveu a incrementar a diferenza entre ambos e levarse a vitoria por un 25 a 32.
Tempo de parón. As galegas terán a oportunidade de descansar durante un mes para repoñer forzas e volver máis fortes que nunca. Ata o 4 de abril non volverán a xogar. Quedan tan só seis xornadas para que remate a Liga Guerreras. O Conservas Orbe Porriño volverá e enfrontarase ao KH-7 BM Granollers.
FICHA TÉCNICA
CONSERVAS ORBE PORRIÑO: Ana Cerqueira, Ana Alonso, Barbara Cerqueira, Alicia Campo, Inés Hernández, Fatima Ayelen, Soraia Vieira, Aitana Santomé, Andrea Dapena, Sarai Samartin, Sandra Fernández, Iasmin dos Santos, Nagore Saenz, Fatima Sisse e Begoña Otero.
CLUB BALONMANO ELCHE: Ekaterina Zhukova, Patricia Méndez, Isabel Fernández-Agusti, Ivet Musons, Nicole Morales, Laura Hernández, María Flores, Paula Carmona, Jennifer Gutierrez, María Sánchez, Lysa Tchaptchet, Clara Gasco, Ana Isabel Martínez e Paula Arcos.
MARCADOR CADA 5′: 1-4, 3-7, 6-12. 9-13, 11-16, 12-17 (ao descanso), 15-19, 18-23, 22-26, 22-29, 23-30, 25-32 (final do partido).
ÁRBITROS: Antonio Merino Mori e Francisco Javier Moyano Prieto.
INCIDENCIAS: Partido correspondente a xornada 16 da Liga Guerreras Iberdrola de balonmán no que enfrontará ao Conservas Orbe Porriño e o Club Balonmano Elche no Pavillón Municipal de Porriño.
