Necesidade de acadar puntos. É o obxectivo do Conservas Orbe Porriño para permanecer na Liga Guerreras Iberdrola. Esta fin de semana, o sábado (7 de marzo, ás 18.00 horas) reciben no Pavillón Municipal do Porriño ao Club Balonmano Elche, o segundo clasificado.
De primeiras, a semana vólvese a presentar complicada para o conxunto porriñense. Esta vez enfróntanse sobre a súa pintura a un segundo clasificado en racha. O Balonmano Elche leva tres xornada sin coñecer a derrota. A última ante o BMC Liberbank Gijón por un 32 a 26.
“Teñen moito pontencial e gol, sobre todo no lado esquerdo do seu ataque. Temos que estar pendiente a xogadoras como Ana Martínez, Ivet, Laura Hernández e Jenni, aínda que todas son xogadoras decisivas e moi importante”, comentaba Isma Martínez, o adestrador do Conservas Orbe Porriño.
Ademais engade: “É un equipo que defende distinto co resto da competición. Presionan moito e cambian as defensas en todo momento. Temos que reducir o modo de xogo”. Pero tamén sabe que xogan na casa, e o factor cancha é unha das opcións para que o partido quede en Galicia.
Na ida, o Porriño perdeu por seis tantos
O técnico lembra o partido de ida da competición. Sairon con moi boas sensacións a pesar do resultado, a pesar de perder de seis tantos: 26-20. “Comezamos facendo ben as cousas e estivemos dentro do encontro durante todo o partido. Tivemos moitas opcións pero arriscamos cunha doble mixta e nos fixeron un parcial dun 4 a 0 nos últimos minutos antes do asubío final”, dicía Martínez.
Na táboa xeral, están colocadas na penúltima posición con. Levan nas últimas semanas, sumaron tres derrotas consecutivas, a última ante o Super Amara Bera Bera, o líder indiscutible da Liga Guerreras. Nesta convocatoria non poderá estar presente a central Anthia Espiñeira debido a unha lesións nin tampouco a pivote Alba Dapena.
DATOS DE INTERESE
DÍA E HORA: 7 de marzo, ás 18.00 horas.
CAMPO: Pavillón Municipal do Porriño – Porriño.
ÁRBITROS: Antonio Merino Mori e Francisco Javier Moyano Prieto.
INCIDENCIAS: Partido correspondente a xornada 16 da Liga Guerreras Iberdrola de balonmán no que enfrontará ao Conservas Orbe Porriño e o Club Balonmano Elche no Pavillón Municipal de Porriño.
