O Conservas Orbe Rubensa Bm Porriño estreou este sábado o seu caixón de vitorias da Liga Guerreras Iberdrola da tempada 20/21 contra o Club Balonmano Morvedre.
As porriñesas marcaron desde o principio o ritmo do partido cunha gran defensa, acompañada polas paradas de Fatima Ayelen, e cun bo ataque. No comezo da primeira parte as locais mostráronse moi sólidas diante da súa portería, impedindo así que as de Montse Puche convertesen os seus lanzamentos en gol.
A medida que transcorría o tempo, as visitantes fóronse achegando no marcador cun gran xogo co pivote e transformando os seus contraataques. A falta de sete minutos para o final da primeira parte, as visitantes conseguiron empatar o partido cun 9-9. Con todo, as de Isma Martínez souberon xestionar ben a situación e terminaron a primeira parte co marcador ao seu favor cun 12-10.
No segundo tempo, o Conservas Orbe
Co inicio do segundo tempo, o Conservas Orbe Rubensa Bm Porriño tiña claro que quería quedar cos dous puntos. O Morvedre tivo certas dificultades para anotar e xuntando iso con varios erros, provocou que as locais se distanciasen cada vez máis no marcador.
Quedando só dez minutos para o final do partido, as galegas alcanzaron a renda de dez goles (24-14) e a pesar dos intentos dos seus rivais, o Conservas Orbe Rubensa Bm Porriño conseguiu impoñerse ao Club Balonmán Morvedre por 29-19 e conseguir así os seus dous primeiros puntos da tempada.
FICHA TÉCNICA
29) Conservas Orbe Rubensa Bm Porriño (12+17): Ana Cerqueira (2), Anastasija Doder (1), Alicia Campo (1), Marta Da Silva (1), Erica Tavares, Fátima Ayelen, Soraia Lopes (5), Aitana Santomé (3), Estela Carrera, Anthia Espiñeira (3), Monica Soares (5), Sandra Fernández (3) e Begoña Otero.
19) Club Balonmano Morvedre (10+9): Sonora Solano, Carmen Toscano (1), Beatriz San Isidro (2), Andrea González (2), Sara Fushu, Carolline Dias, Judit Gómez (1), Lorena Montilla (1), Cristina Polonio, Lucía Gámez, Helena Martín (1) e María Aguas.
Marcador cada 5′: 2-1, 4-1, 7-5,9-8, 10-10, 12-10 (descanso), 8-11, 20-11, 21-12, 24-14, 26-18, 29-19.
Árbitros: A parella arbitral estaba formada por Lucas Crespo e Pedro Eiras. Por parte das locais excluíron a Inés Hernández (3), Arima López (1) e Sarai Samartín (1). Polo Club Balonmano Morvedre excluíron a Lorena Zarco (5), María Marín (1), Esther Lacueva e Nayla De Andrés (5).
Incidencias: Partido correspondente á segunda xornada da Liga Guerreras Iberdrola.
