Tras case sete meses sen balonmán, a Liga Guerreiras Iberdrola poñíase de novo en marcha. Con iso, o Conservas Orbe Rubensa Bm Porriño volvía ás pistas contra o Liberbank Gijón no Pavillón La Arena (Gijón) co obxectivo de mellorar os resultados da pasada campaña.
Os primeiros minutos do encontro estiveron marcados por unha gran defensa de ambos os conxuntos e con bastantes dificultades á hora de marcar. En canto ao ataque, o equipo pontevedrés optaba por un movemento rápido de balón creando situacións favorables para marcar gol. Pola súa banda, as locais tiveron un ataque máis pausado, co que puideron analizar ben o que se lles presentaba diante.
https://twitter.com/EnXogo_tvG2/status/1304879971614285830?s=20
Durante toda a primeira parte o partido estivo axustado e ambos os equipos non se afastaban moito do marcador, xa que destacaron as actuacións de ambas as porterías. Os sete metros foron un dos grandes protagonistas do encontro, onde Mónica Soares e María González, máximas goleadoras dos seus respectivos equipos, demostraron a súa calidade.
A falta de dez minutos para que finalizase a primeira parte, o conxunto local conseguiu unha renda de tres goles (11-8), pero as de Ismael Martínez souberon xestionalo conseguindo empatar o partido nos últimos segundos (12-12).
O Conservas Orbe non puido seguir o ritmo anotador na segunda metade
O inicio do segundo tempo mostrou ao Liberbank Gijón totalmente enchufado e coa intención de poñer distancia no resultado. Pola súa banda, as galegas atopábanse con complicacións tanto á hora de defender como de atacar. As actuacións das porteiras xixonesas e os diferentes fallos do Conservas Orbe Rubensa Balonmán Porriño foron o momento no que o equipo local empezouse a afastar do marcador. A pesar dos esforzos das galegas, os dous puntos quedaron en Gijón cun resultado de 30-24.
FICHA TÉCNICA
30 – BMC. Liberbank Gijón: Raquel Álvarez, Meriem Ezbida, Sabrina Fiore, Marta Méndez, Laura Rivas (4), Marizza Faria (1), María González (9), Cecilia Cacheda (6), María Palomo (4), Débora Torreira (1), Nerea Calbón, Elisa Collado, Aida Palicio (5) y Natalia Martínez.
24 – Conservas Orbe BM Porriño: Ana Cerqueira (1), Anastasija Doder, Alicia Campo, Marta Da Silva (1), Erica Tavares (3), Inés Hernández (3), Fatima Ayelen, Soraia Lopes (4), Aitana Santomé (2), Arima López (2), Estela Carrera, Claudia Kaulback, Sarai Samartín (1), Mónica Soares (7), Sandra Fernández y Begoña Otero.
Marcador cada 5 minutos: 3-5, 5-5,7-6, 9-7, 11-8, 12-12, (descanso), 17-12, 20-15, 21-18, 23-20, 28-23, 30-24.
Árbitros: A parella arbitral estaba formada por Josep Millan e Aitor Izquierdo.
Incidencias: Por parte do Liberbank Gijón excluíron a Marizza Faria, María González, Aida Palicio e Natalia Martínez. Por parte do Conservas Orbe Rubensa Bm Porriño excluyeron a Erica Tavares, Inés Hernández, Soraia Lopes, Aitana Santomé, Arima López e Sarai Samartín.
