O Conservas Orbe Rubensa Balonmano Porriño enfrontarase mañá sábado, 10 de outubro, ás 20:00 no Pabelllón Municipal del Barrio de la Salud (Santa Cruz de Tenerife) ao Balonmano Salud Tenerife. Este encontro, que corresponde á terceira xornada da Liga Guerreras Iberdrola, disputarase sen público nas gradas e poderá verse a través dun streaming que habilitará o club galego.
O Conservas Orbe vén de gañar as súas dous primeiros puntos na pasada xornada contra o Club Balonmán Morvedre (29-19). Desta forma, as porriñesas conseguiron colocáronse na metade da táboa, concretamente, no posto catro.
Pola súa banda, o Balonmano Salud Tenerife xa se enfrontou ao Club Balonmano Elche e ao Rocasa Gran Canaria, pero aínda non conseguiu acadar a vitoria. “Son moi bo equipo, a verdade. Tiveron dúas derrotas bastante duras nas dúas primeiras xornadas, pero contra conxuntos que aspiran ao mesmo que elas.” recoñece Ismael Martínez, técnico do Conservas Orbe.
En canto ás súas xogadoras, o adestrador afirmou que teñen moito gol, sendo un equipo cunha primeira liña moi potente, no que se mistura mocidade e experiencia”. Ismael tamén recoñeceu que “temos que tentar levar o ritmo do partido se queremos gañalo. Para nosas aspiracións de meternos entre os catro primeiros, este é un rival directo. Creo que nos irá ben, a xente está moi concienciada”.
