SUBSCRÍBETE AO BOLETÍN DE NOVAS DE AS NOSAS PUBLICIDADESUBSCRÍBETE AO BOLETÍN DE NOVAS DE AS NOSAS PUBLICIDADESUBSCRÍBETE AO BOLETÍN DE NOVAS DE AS NOSAS PUBLICIDADE

O Consello de Administración do Deportivo reúnese co Dépor ABANCA

A nova directiva, coa presenza de Emma Lustres, coñeceu ás compoñentes do equipo que milita en Liga Iberdrola

 

A actualidade no Real Club Deportivo de A Coruña está a ser unha montaña rusa de emocións. Os malos resultados do equipo masculino e a inestabilidade do club provocaron a saída esta semana da antiga directiva, presidida por Fernando Vidal, para dar entrada a unha nova con Antonio Couceiro á fronte.

Este novo Consello de Administración, presentado o pasado luns, 8 de febreiro, está comezando a facerse cargo do club branquiazul. Unha das boas noticias derivadas deste cambio é a presenza nel de Emma Lustres, que fai historia sendo a primeira muller na directiva da entidade.

Emma Lustres, a primeira muller no consello de administración do RC Deportivo

Este xoves Emma, xunto aos seus compañeiros liderados por Couceiro, achegouse a Abegondo para coñecer persoalmente aos compoñentes dos dous primeiros equipos, o feminino e o masculino, do equipo branquiazul.

Despois de completar na tarde do mércores os trámites administrativos para a toma de posesión dos distintos cargos do novo órgano de goberno do club, o novo Consello iniciou os traballos para coñecer máis de preto a actualidade deportiva e a súa situación interna.

O Consello do Deportivo manda unha mensaxe tranquilizadora

Na súa reunión co Dépor ABANCA, a nova directiva enviou unha mensaxe tranquilizadora. Tal e como explican desde a web do club, neste primeiro encontro a directiva “trasladou todo o seu apoio e ánimo para continuar co gran traballo das últimas semanas, comprometéndose a adicarlle unha permanente atención dentro das súas prioridades como presidente do Club”.

Un discurso similar ao emitido para o cadro masculino, para o que o Consello tamén garantizou a súa confianza e “garantía da continuidade do proxecto deportivo e social sexa cal sexa o resultado final da tempada”.

Esta foi a primeira dunha serie de reunións que continuarán nas próximas semanas con todo o equipo profesional do Real Club Deportivo nas diferentes áreas. A intención é a de “poder dispoñer dos elementos de xuizo necesarios antes de valorar públicamente a situación na que se afronta este novo proxecto e as liñas maestras do traballo a desenrolar á fronte do RCD“.

Despois de falar cos dous primeiros equipos, Antonio Couceiro presidiu a primeira reunión do Consello de Administración na que tamén participou, de forma telemática, o conselleiro Carlos Cantó.

 

 

Publicidade GRELO - O teu operador galegoPublicidade GRELO - O teu operador galegoPublicidade GRELO - O teu operador galego

Relacionado co tema