É oficial. María Araújo perderase o que resta de tempada pola súa lesión sufrida nunha sesión de adestramento. O actual club da xogadora, o SPAR Girona, ven de confirmar a noticia co peor dos pronósticos.
A viguesa sofre unha lesión grave no seu xeonllo dereito que afecta ao ligamento cruzado anterior (LCA) e tamén ao menisco interior da perna. Para recuperarse, a xogadora pasará por quirófano, aínda que a data da intervención cirúrxica aínda non está establecida.
Toca seguir 💪🏼 https://t.co/Pxul0AVClM
— María Araújo (@Maria_Araujo8) April 8, 2021
Como consecuencia deste diagnóstico médico, a baloncestista galega non poderá participará na segunda fase de loita polo título da LF Endesa co SPAR Girona nin, en principio, poderá competir no Xogos Olímpicos de Toquio 2021 coa Selección Española de Baloncesto.
