No conxunto do Viaxes Amarelle FSF está confinado. O control semanal con test de antíxenos FSF desvelou un resultado un positivo polo que se activou o protocolo de prevención da COVID-19 que inclúe o illamento dos contactos directos. A xogadora infectada ten “síntomas leves”, segundo informa o club coruñés.
O conxunto galego do Viaxes Amarelle FSF, preparaba con normalidade o partido que debía medirlle este sábado ao CD Leganés FSF, en encontro aprazado da duodécima xornada, pero nos test de antígenos semanais, realizados na xornada da tarde – noite do xoves detectouse un positivo dunha xogadora. A deportista se atopa con “síntomas leves”, segundo informa o equipo. Este resultado positivo obriga a activar o protocolo que deriva no confinamento de case a totalidade de xogadoras, seguindo as indicacións recibidas do SERGAS na mañá de hoxe, venres 19 de marzo.
O equipo herculino estaba a realizar os adestramentos de forma normal, seguindo os protocolos habituais, e sen detectar ningún síntoma en ningunha xogadora, nin no persoal pertencente ao corpo técnico do club coruñés. Foi durante as probas de test de antígenos realizadas na tarde – noite do xoves, 18 de marzo, cando se detectaba ese resultado positivo en COVID-19 nunha xogadora. Segundo explican desde o Viaxes Amarelle FSF, por recomendación do médico que realiza os test neste club galego, se lle realizou un segundo test. Esta proba arroxou novamente un resultado positivo confirmandoo.
“A xogadora que deu positivo ten síntomas leves”, indican desde o club
Segundo transmite desde o club herculino: “A xogadora, que deu resultado positivo no test de antígenos, atópanse en bo estado e nestes momentos presenta síntomas leves”.
Tras o coñecemento do positivo, a entidade “realizou as pertinentes acciones para facer as comunicacións á Real Federación Galega de Fútbol, Real Federación Española de Fútbol, Concello da Coruña e Servizo Galego de Saude. Púxose en confinamento preventivo a todo o corpo técnico e xogadoras ata que as autoridades sanitarias indicasen pasos a proseguir”.
Xa na mañá deste venres 19 de marzo, “desde as autoridades sanitarias confirmouse o caso positivo e decretouse corentena de 10 días para a case totalidade do conxunto de xogadoras do Viaxes Amarelle FSF. Ademais, váiselles realizar unha proba PCR ao final da corentena, para poder verificar se están en condicións de retomar a vida normal, así como a actividade deportiva.
Debido a este caso dentro do club, “os adestramentos atópanse suspendidos, aínda que o equipo seguirá traballando desde as súas casas no aspecto físico”, trasladan desde a entidade coruñesa.
O confinamento adía o partido co Leganés e posiblemente o seguinte
O Viaxes Amarelle FSF comunica tamén que esta mesma mañá “resolveuse polo Xuíz de Competición o adiamento do partido aprazado da xornada 12ª da Primeira División Nacional Feminina FS, que debía enfrontar ás herculinas contra o Leganés FSF este mesmo sábado 20 de marzo de 2021.
Probablemente sexa tamén suspendida a primeira xornada da segunda fase da competición, dado que a corentena do equipo non se levantaría até o próximo día 28 de marzo de 2021″, advirten desde o club coruñés.
