- A C21 brinda a cada atleta participante unha ampla carta de servizos para a proba que se celebrará o domingo 12 de febreiro a partir das 10.00 horas.
Os dorsais entregaranse desde hoxe venres e mañá sábado no departamento de deportes de El Corte Inglés, nas instalacións da rúa coruñesa Ramón y Cajal, dentro do seu horario comercial xunto coa camiseta oficial da carreira. De maneira excepcional, estarán dispoñibles na zona de saída o día da C21 desde as 09.00 horas.
Os números levan integrado o chip e son persoais e intransferibles. Contan, ademais, cun código QR a través do cal cada deportista poderá consultar os seus rexistros.
📢 Xa podes recoller teu dorsal para correr a media maratón #Coruña21 este domingo!
Achégate durante hoxe e mañá, de 10:00 a 21:30h ao 📍 departamento de deportes do Corte Inglés (Rúa Ramón e Cajal).
👟 O mesmo día da carreira tamén poderán retirarse no Obelisco antes da proba. pic.twitter.com/0LEVDNG6T3
— A Coruña Deportes (@coruna_deportes) February 10, 2023
A cronometraxe da carreira realizarase mediante os chips e haberá varios puntos de control ao longo do percorrido polo que deben pasar todas as persoas participantes.
No Obelisco estableceranse catro caixóns de saída por cada carreira e que coincidirán en cor coas bandas dos dorsais, en función dos tempos de referencia. Na C21 serán verde claro, amarela, rosa e azul e na 5K, verde escuro, laranxa, ciano e vermello.
A C21 terá sete ritmos de carreira marcados por ‘lebres’
Co obxectivo de axudar ás persoas participantes en Coruña21 a lograr as marcas que ambicionan haberá sete ritmos diferentes de carreira marcados por lebres. Club Atletismo Narón, Club Hércules Termaria, Nosportlimit, Coruña Comarca e A Mochila do Deporte prestarán aos seus atletas para que a media maratón poida contar con este servizo e The Covardes vestiralles coa súa roupa técnica de running.
O ritmo máis alto será de aproximadamente 3:45 por quilómetro para completar o medio maratón en 1h 20. Haberá lebres tamén para ir a 4 minutos por quilómetro (1h 24), a 4:15 (1h 30), a 4:30 (1h 35), a 4:45 (1h 40), a 4:59 (1h 45) e a 5:40 (2h 00).
Dispoñerase de aseos portátiles na zona de saída, meta e os puntos de avituallamento.
As duchas, en horario de 11.00 a 14.00, situaranse no Palacio dos Deportes de Riazor e o servizo de gardarroupa, de 09.00 a 13.00, no Obelisco.
🚘 Lembrámosvos que este domingo, 12 de febreiro, con motivo da celebración do Medio Maratón Atlántico Coruña21, establecerase un dispositivo especial de tráfico no que permanecerán ❌ cortadas diferentes zonas da cidade.
ℹ https://t.co/1SMN1QeTDP pic.twitter.com/X8uAYPPbzg
— A Coruña Deportes (@coruna_deportes) February 10, 2023
Instalaranse postos de avituallamento a partir do quilómetro 5 e, aproximadamente, cada 5.000 metros. En meta, tanto na C21 como na 5K (aínda que cada unha coa súa propio avituallamento), cada deportista recibirá froita, un boliño, froitos secos, auga, bebidas e xel enerxético. Colaboran Vegalsa, Sanbrandan, Coca-Cola, Powerade, Gadis e Vitaldin Sport.
Para a recollida selectiva de residuos, colocaranse colectores suficientes que serán de uso obrigatorio.
As persoas participantes que sexan quen de finalizar a C21 recibirán un diploma acreditativo de completar a proba.
A C21 alcanza as 2.900 persoas inscritas na media maratón e na 5K
