A patinaxe artística e o hoquei son quizais os deportes máis coñecidos sobre patíns, pero desde logo non son os únicos. Existe unha modalidade do patinaxe que se basea no contacto, a velocidade e a estratexia con equipos tradicionalmente femininos. Falamos do Roller Derby.
Desde hai sete anos, o club coruñés de As Brigantias Roller Derby leva practicando e difundido este deporte. Algo que non freou a chegada da pandemia. As patinadoras, como tantas outras deportistas, adaptáronse a esta nova normalidade.
Os 10 beneficios do Roller Derby segundo As Brigantias
Por iso, desde o equipo recordan que o Roller Derby non se trata “só dunha maneira de estar en forma, trátase dunha forma de vida”, cunha serie de beneficios que tamén son válidos en tempos de pandemia:
- Autoxestión. En As Brigantias fan “un deporte feito para e polas persoas que o practican”.
- Crecemento persoal. As herculinas recordan como “é moi reconfortante ver como melloras co tempo”.
- Autoestima. A confianza nunha mesma é un dos beneficios que derivan desta práctica deportiva.
- Amizade. No club de Roller Derby crean unha “family de por vida”.
- Cohesión grupal. Todas as vantaxes do traballo en equipo.
- Diversidade. En As Brigantias téñeno claro: “Da igual cal sexa a túa identidade, peso, altura ou orixe: todxs xs rollers son benvidxs!”.
- Seguridade. Este é un espazo “libre de violencias machistas, racismo, xenofobia e LGTBIQ+ antagonistas”.
- Saúde. Como non podía ser doutra forma, o Roller Derby axuda na mellora da forma física e mental.
- Personalidade. Unha característica deste deporte é a posibilidade de ter un alcume persoal que represente ás xogadoras. Evil Nurse e Lady Moratón son os de dous das fundadoras.
- Plenitude. En As Brigantias non o dubidan: “O Roller Derby cámbiache a vida para mellor: faite máis feliz e saudable!”.
A paixón destas roller girls chegou ás pistas de competición no 2016, cando convértense oficialmente en club e fedéranse. Dous anos despois, as galegas fan historia converténdose no primeiro equipo de Galicia e cuarto de España en formar parte da Women’s Track Derby Association, o organismo rector do Roller Derby profesional.
Desde entón, os éxitos non deixaron de chegar ás patinadoras, que queren seguir sumando deportistas non só para fomentar esta modalidade do patinaxe, senón tamén para seguir formando parte da vida social de A Coruña en distintas iniciativas.
