O Aceites Abril CVO xa coñece aos seus primeiros rivais no camiño cara ao ascenso á Superliga 2 de voleibol estatal. A Real Federación Española de Voleibol comunicou o resultado do sorteo para a fase de ascenso da que o Aceites Abril será o anfitrión da competición.
Logo dese sorteo, o equipo ourensán estará encadrado no Grupo A xunto aos equipos: CV Pacense (Badaxoz) e o Club Natación de Sabadell. Ambos os dous conxuntos foros primeiros nos seus grupos durante a liga regular. Todo apunta a que serán uns duros rivais para os Aceites Abril CVO que deberá pasar de grupo entre os dous primeiros senón quere perder as opcións ao ascenso.
No grupo B enfrontaranse os equipos: CV Oviedo, CV San Cugat e o CV Albolote (Granada), neste caso o CV Oviedo é o único que quedou primeiro durante a liga Regular no seu grupo e parte cunha certa vantaxe que terá que facer valer para poder pasar o corte e loitar por unha das dúas prazas de ascenso directo.
A fase iníciase para o Aceites Abril o 23 de abril no Pompeo
O Aceites Abril terá a súa primeira final o venres 23 de abril ás 19:00 na cancha de O Pompeo e será ante o CV Pacense (Badaxoz), un gran partido para empezar a gozar duns días i ntensos onde as ourensás deixarán todo na cancha para tentar alcanzar unha praza na final.
O CVO, protagonista dun vídeo de ánimo de cara á fase de ascenso
Veciñanza, sanitarios, deportistas doutros clubs como CB Arenteiro de fútbol, Club Ourense Baloncesto, e tamén o Pescados Rubén Burela de FSF, quixeron achegarlle os seus folgos ás xogadoras do Aceites Abril Club Voleibol Ourense.
