A poucos días do inicio da competición na Liga Femenina Endesa, o Durán Maquinaria Ensino vén de trasladar o protocolo de prevención da transmisión da COVID-19 á súa afección e á canteira, así como aos medios de comunicación que cubrirán os encontros de basket do club.
Dentro do protocolo de volta á competición da Liga Feminina Endesa recóllese que o acceso aos recintos deportivos vai ser con acceso reducido e con medidas de seguridade adicionais.
Como en outras actividades e disciplinas deportivas, cuestións como o aforo dos recintos virán determinadas e marcadas pola situación epidemiolóxica e as indicacións que as autoridades sanitarias e deportivas indiquen en cada momento. A evolución da pandemia será por tanto a que condicione medidas e protocolos.
ℹ️PROTOCOLOS COVID-19 ℹ️
🔷La prensa ha de solicitar acreditación para entrar al Pazo
🔶Protocolo de actividades de Cantera
🔷Acceso limitado y controlado al Pazo (a día de hoy)#SomosEnsino | #ProtocolosEnsino⬇️Más información:https://t.co/49qvkHv1kT pic.twitter.com/W7ZN4nk639
— Ensino Lugo (@EnsinoLugoCB) September 16, 2020
O Durán Maquinaria Ensino explica na súa web que antes de todos os partidos que dispute como conxunto local, o club informará se hai algún cambio na situación dos aforos e accesos ao pavillón. A canle de comunicación habilitada a tal efecto serán as redes sociais do club así como a súa páxina web.
Acceso da afición ao Pazo para ver ao Ensino
Á hora de acceder ao Pazo, as persoas abonadas deberán cumplir os seguintes requisitos: acreditar ser socia do Ensino para os partidos como conxunto local, uso de máscara obrigatorio durante todo o partido, no acceso ao pavillón é obrigado tamén o lavado de mans con xel hidroalcohólico.
Polo que atinxe aos medios de comunicación, unicamente os medios e fotógrafas acreditadas previamente diante do equipo de comunicación poderán entrar ao pavillón. O acceso a encontros e a roldas de prensa require disa acreditación diante do club.
O protocolo de prevención da COVID-19 na canteira
Ademais dos protocolos de prevención do contaxio do virus da COVID-19 ordinarios para acudir e ver partidos, a canteira do CB Ensino ten que cumplir unha serie de indicacións na práctica diaria das súas actividades deportivas. Entre deses requisitos destacan desde o club:
- Medición de temperatura: Medirase a temperatura corporal de todas as persoas participantes na entrada ao recinto deportivo. Toda temperatura superior a 37º implicará que non se poderá participar no adestramento.
- Máscara obrigatoria: Cada deportista accederá ao pavillón coa máscara correctamente colocada, desinfectarase as mans na entrada de recinto con xel e tamén desinfectará as súas zapatillas na alfombra de acceso.
- Espazo persoal: Unha vez no interior do recinto, os deportistas acudirán a o seu espazo personal, previamente delimitado, para deixar os seus efectos persoais. Non gardarán a súa máscara dado que teñen que adestrar con ela posta e mudarán o seu calzado deportivo.
