O Municipal Salceda de Caselas, co P.A. Salceda como club anfitrión, acolleu o Campionato Galego Grupo Show Junior e Cuarteto, dúas categorías nunha intensa xornada de competición.
En total, 12 equipos acudiron á cita, con distintas coreografías, resultando vencedores o C.P.A. Condado en Junior e o Patín Axel en Cuartetos. O anfitrión só participou nesta última categoría, quedando na última posición.
Á fin da competición, o Salceda mostrou o seu agradecemento en redes, recoñecendo o labor de todas as persoas implicadas nos clubs participantes e ao Concello de Salceda, así como á Federación Galega de Patinaxe e á afección.
O C.P.A. Condado, campión en Show Junior
Coa actuación ‘Unidad 360’, o anfitrión C.P.A. Condado fíxose co ouro na categoría Grupos Show Junior. Seguidamente, en segunda posición, qeudou o C.P.A. Ribex, con ‘¿Culpable?’. O podio pechouno C.P. Ribeira, con ‘Famoso robo en Rosa’.
Tamén participaron nesta competición o Patín Porriño, con ‘La expulsión de Belial’; C.D. Fontiñas, con ‘Nosotras’; Patín Oroso, con ‘La Casa de Papel’ e C.P. Alquimia, con ‘3,2,1…’, quedando clasificados nesta mesma orde.
O Patín Axel lévase o ouro en Grupos Show Cuarteto
Na outra competición de patinaxe, a relativa aos Grupos Show Cuarteto, a actuación vencedora foi a de ‘Renacer’, de Patín Axel. En segunda posición quedou ‘Tentación’, de C.P. Alquimia, e co bronce C.P. Ribeira, con ‘Querido abuelo’.
O resto da táboa completáronna C.D. Fervello, con ‘1960-1980’; Patín Conxuro, con ‘Nª9’; C.P.A. Rosaleira, con ‘Angustia’ e P.A. Salceda, con ‘5,6,7 y…’-
