O mundo do deporte foi sempre un lugar propicio para a exhibición de toda unha serie de elementos identificativos,tales como escudos, cores, himnos ou mascotas.
Unha mascota é un símbolo que personifica os valores dunha marca xa que xeralmente posúe trazos físicos que xera un achegamento co público moito mais próximo e que ademais axuda a identificar e retransmitir todos aqueles valores positivos asociados á marca. A imaxinación, a fantasía e a creatividade son elementos importantes á hora de crear unha que guste, identifique e chame a atención.
Sobre esas premisas a Federación Galega de Atletismo quere no marco de actividades do seu centenario, organizar un concurso de mascotas entre os atletas da categoría promoción (ata Sub14, incluido) co obxecto de “que sexan eles e elas quenes deseñen a que será a oficial nos seus campionatos oficiais e actividades de promoción”, explican desde a entidade.
Deste xeito a Federación Galega de Atletismo pasará a contar con catro importantes elementos identificativos como son o escudo, o himno, as cores oficiais da selección galega e unha vez seleccionada o modelo gañador, tamén coa súa mascota oficial. A FGA adoptará a escollida, nos seus logos, cartelería e comunicados dos campionatos das categorías de promoción ata a Sub-14.
Xa están publicadas as bases do concurso e está aberto o prazo de presentación de propostas que concluirá o día 01 de xuño.
Entre as propostas recibidas por parte das/os atletas, elixiranse 25 que serán as que se expoñan nas Redes Sociais federativas para que todos os usuarios e usuarias poidan votar á que máis guste.
