Concentración de tecnificación en Ourense para parte do atletismo galego o 29 de decembro

Para rematar o ano 2022 e aproveitando o periodo vacacional das e dos atletas, a Federación Galega de Atletismo anuncia que organiza para o vindeiro día 29 de decembro na pista cuberta de Expourense, unha sesion de técnificación para os sectores de valos, saltos horizontais e fondo e medio fondo.

Para esta importante sesión están convocadas/os un total de 65 atletas das categorías Sub-16 e Sub-18 que estarán dirixidos polas/os responsables de cada sector e técnicas/os convidados. Ademáis diso, ábrese a porta a que poidan acudir os técnicos e técnicas personais de cada atleta previa solicitude.

Como ben sendo habitual, a sesión programada virá acompañada dunhas charlas técnicas que desta ocasión estarán dirixidas para atletas e para técnicas e técnicos asistentes.

Traballo de tecnificación que se realizará en Expourense

Entre das cuestións a abordar nesta xornada de tecnificación que acollerán as instalacións de Expourense está previsto que se realice unha sesión de adestramento conxunto na que se practicarán cuestións como a coordinación específica de carreira (técnica de carreira): mecánica de carreira e aplicación eficiente da forza no xesto de carreira; a estruturación rítmica da zancada: control e regulación eficiente da frecuencia e a amplitude: así como os multisaltos coma medio de desenvolvemento da forza explosivo – elástica.

No caso das e dos atletas de fondo e medio fondo traballarase expresamente nesta xornada de tecnificación organizada pola Federación Galega de Atletismo cuestións como a exercitación da potencia aeróbica a través do traballo interválico e o desenvolvemento do ritmo especial de carreira coa aplicación da técnica de carreira.

Para a disciplina de valos esta xornada de tecnificación prevé facer fincapé en cuestións como:

Desenvolvemento da técnica de paso do valo: incidencia especial sobre a perna de ataque, a acción da perna de arrastre e a acción da saída do primeiro apoio tras o paso de valo.
Ritmo de carreira entre valos: incidencia especial sobre a lonxitude dos diferentes pasos entre valos
Capacidade de aceleración e velocidade máxima entre valos.
Coordinacións específicas de carreira, Técnica básica e especial do paso de valo.
Ritmo especial con valos

Finalmente nesta xornada de tecnificación as e os atletas que están especializados en disciplinas de salto horizontal traballarán cuestións específicas como:

Ligazón carreira – salto. Técnica de carreira para a súa optimización.
Estrutura rítmica da carreira de aproximación.
Colocación segmentaria para acadar unha angulación de saída da batida adecuada. Uso de segmentos libres.

Están citados deportistas de clubs como: