O liderato volve estar a tiro de pedra para as herculinas. O Dépor ABANCA recibe en Abegondo o sábado ás 12:00 á SD Eibar que comanda a táboa clasificatoria da Primera Federación con tres puntos máis cas galegas. Dezaseis puntos para as de Guipúzcoa que marcan invictas, con cinco partidos gañados e un empatado, e trece para as galegas que gañaron catro, empataron (Oviedo Moderno) un e perderon outro (Cacereño).
️ Larunbata, urriak 29
@RCDeportivo
⏰ 12:00
️ Abegondo#EibarFem | #BetiArmaginak⚔️ pic.twitter.com/Q5UEBJLlRN— SD Eibar (@SDEibar) October 24, 2022
Aterra en Abegondo a SD Eibar após de gañar pola mínima ao Osasuna na súa casa (0-1), un rival ao que as coruñesas endosaban un 3-0 na quinta xornada.
Mentres, o Dépor ABANCA gañaba 0-3 en Lezama na sexta xornada logo dunha semana con tres partidos seguidos (dous de Liga gañados, e un de Copa da Raíña perdido na quenda de penaltis tras unha prórroga).
Estadísticas de los primeros 6 partidos de liga:
5⃣ Victorias.
1⃣ Empate.#EibarFem | #BetiArmaginak⚔️ pic.twitter.com/SeRaoeRdWK— SD Eibar (@SDEibar) October 24, 2022
O plan de traballo das deportivistas inclúe adestramentos tácticos no campo, traballo no ximnasio e sesións vídeo. A concentración no partido ante a SD Eibar será máxima desde hoxe, mércores 26 de outubro, no que ás futbolistas están citadas ás 10:00 horas.
O bloque que adestra Irene Ferreras disporá de tres adestramentos na Cidade Deportiva de Abegondo, todos eles ás 10:00, para preparar o choque ante as eibarresas, líderes da categoría con 16 puntos, con 3 de vantaxe sobre as deportivistas, segundas na táboa da Primera Federación con 13.
Cada día que haxa actividade en Abegondo, as futbolistas branquiazuis teñen que presentarse na instalación ás 8:30 para realizar tarefas previas a saltar ao céspede como ximnasio ou sesión de vídeo. A planificación semanal, sempre susceptible de sufrir variación por razóns técnicas, é a seguinte:
- Mércores 26 de outubro – 10:00 h.
- Xoves 27 de outubro – 10:00 h.
- Venres 28 de outubro – 10:00 h.
Plan de traballo da SD Eibar
Pola súa parte, a SD Eibar definiu un plan de traballo semanal para o seu primeiro equipo femenino, que vai defender o liderato da Primera Federación, anteo Dépor ABANCA en Abegondo, con sesións diarias a excepción de onte martes, día de descanso.
- Luns: 12:00, ximnasio e anexo Ipurua
- Martes: descanso
- Mércoles: 11:30, Unbe
- Xoves: 11:30, Unbe
- Venres: viaxe en autobús
- Sábado: 12:00, Abegondo vs RC Deportivo
- Domingo: descanso
♀️ Eibarrek lidergoa defendatuko du larunbatean A Coruñan.
Emakumezkoen lehen taldearen lan-plana ⬇️
— SD Eibar (@SDEibar) October 24, 2022
Ambos os dous equipos víronse as facianas en pretempada. Foi precisamente a SD Eibar o primeiro tropezo das galegas nese periodo de preparación para a competición. As deportivistas caeron 1-2 en Asturias. Chegou o momento de darlle a volta a aquel resultado e facelo cando hai puntos e un liderato en xogo. Será o sábado 29/10/22 na Cidade Deportiva de Abegondo a partir das 12:00 horas.
Primeiro tropezo do Dépor ABANCA en pretempada ao caer coa SD Eibar 1-2
