O CB Arxil pide folgos para afrontar con todas as forzas posibles o seu vindeiro compromiso na Liga Feminina 2 de baloncesto. Trátase dun partido trascendental que enfrontará as xogadoras galegas contra o ADBA de Avilés. Desde o Concello pontevedrés quixeron darlles azos. As verdes confían no apoio da veciñanza para encarar con máis empuxe este encontro. Queren que as veciñas/os de Pontevedran sexan a xogadora número seis na pista este sábado.
Aldara Vázquez, canterá do CB Arxil: “Para nós é moi importante ver a grada chea cando saímos ao campo e escoitar ao público animar. Ese respaldo da cidade tradúcese no xogo. Esperámosvos o sábado a todos alí”
A concelleira de Promoción Económica e Turismo do Concello de Pontevedra, a socialista Yoya Blanco, recibiu na Casa da Luz ás xogadoras do CB Arxil Aldara, Natalia, Puchetti, Linnea e Forster para darlles folgos e forza de cara ao crucial encontro que xogarán este sábado ás 19.30 horas no Centro Galego de Tecnificación Deportiva (CGTD) contra o ADBA de Avilés.
Tal e como sinalou a canterá Aldara Vázquez, trátase dun partido trascendental, polo que “é esencial que se volvan a chear os graderíos”. “Para nós é moi importante ver a grada chea cando saímos ao campo -suliña- e escoitar ao público animar. Ese respaldo da cidade tradúcese no xogo. Esperámosvos o sábado a todos alí”.
Sorteos durante o partido do CB Arxil
Coa fin de incentivar a asistencia ao partido, a entrada é gratuíta e vaise sortear un xamón e unha camisola do GD Supermercados Froiz entre as persoas asistentes.
Aldara Vázquez, xogadora do CB Arxil: “É esencial que se volvan a chear os graderíos”.
Pola súa banda, a concelleira Yoya Blanco, patrocinadora do Arxil a través de Visit Pontevedra, animou “a toda a cidade a que se pase polo Estadio da Xuventude a animar ao equipo”.
Yoya Blanco, concelleira de Pontevedra: “a toda a cidade a que se pase polo Estadio da Xuventude a animar ao equipo”
A edil fixo fincapé no efecto revulsivo que tivo a asistencia de público no pasado encontro contra o Pozuelo (ao que ela mesma acudiu xunto co concelleiro de Deportes, Tino Fernández): “Empurramos entre todas e todos para que o CB Arxil gañara e non teño ningunha dúbida de que iso é o que volverá acontecer este sábado”.
Hoy en la casa de la luz ,el CB Arxil presentó el partido ante el Adba en el cual la concejala de turismo Yoya Blanco y las jugadoras Aldara ,Natalia,Puchetti,Linnea y Forster
En el descanso se sortea un jamón Navidul y 1maillot del equipo ciclista Súper FroizJugaran los babys pic.twitter.com/3eLqPqpyyK
— CB Arxil (@ArxilCb) January 29, 2020
O CB Arxil xa fixo un chamamento á afección no partido contra o Aedas Homes Pozuelo UFV.
