No CEIP San Francisco Javier teñen en marcha un programa denominado “Mellora da convivencia TEI (Titoría Entre Iguais)”. Esta iniciativa busca fomentar na mocidade valores coma o respecto, a empatía coa titorización emocional entre iguais.
Na entrega de diplomas que tivo lugar hoxe no centro coruñés, participaron a alcaldesa da cidade da Coruña, Inés Rey, o concelleiro de Educación, Cultura e Memoria Histórica, Jesús Celemín, dúas xogadoras do RC Deportivo ABANCA, Iris Arnaiz e Nuria Rábano, así como a directora e profesorado do centro, o inspector xefe do servizo de Xefatura Territorial da Coruña, Iván Mira, e o director do Centro de Formación e Recursos, Emilio Joaquín Veiga.
Nesta entrega de diplomas recoñecíase a 50 persoas do alumnado de 3º e 5º de Primaria que están integradas dentro do citado programa. Son xa tres os anos que este proxecto leva en marcha á procura de mellorar a integración escolar e traballar a prol dunha escola inclusiva e non violenta, tal e como explican desde o RC Deportivo. Foméntase que as relacións entre iguais sexan máis satisfactorias. Conta co respecto a empatía e o compromiso como alicerces. Búscase educar en valores, no respecto mutuo e previr o acoso.
A rexedora, Inés Rey, felicitou a toda a comunidade educativa por integrarse por terceiro ano consecutivo no programa, porque esta iniciativa “transcende os libros de texto para levarvos polo camiño do respecto e da tolerancia” e insistiu na importancia de que sexan as propias alumnas e alumnos quen detecten as situacións negativas e se convertan, deste xeito, en “axentes activos” do cambio ao analizar actitudes que non suman na convivencia e que lles serven para previr a discriminación nas aulas e lograr unha escola máis inclusiva, según informan desde o Concello da Coruña.
Inés Rey, alcaldesa da Coruña: “Esta iniciativa transcende os libros de texto para levarvos polo camiño do respecto e da tolerancia”
A alcaldesa destacou o labor realizado polo alumnado ao abordar cuestións que “serven para previr, informar, formar e educar en igualdade”, e animouno a seguir nunha senda de respecto á diversidade. “Coido que esta iniciativa vos está axudando a comprender que todos somos distintas e distintos e que precisamente esa é a riqueza do ser humano”, dixo.
Inés Rey, alcaldesa da Coruña: “Coido que esta iniciativa vos está axudando a comprender que todos somos distintas e distintos e que precisamente esa é a riqueza do ser humano”
Inés Rey: “É necesario traballar para axudar a quen está sufrindo acoso”
Sinalou que é necesario traballar en común para modificar estas percepcións erróneas e promover iniciativas deste tipo, “dentro e fóra das aulas para lle axudar a quen está sufrindo acoso ou bullying” e animou a todas e todos a “trasladar á rúa o que aprendestes para que deades exemplo e fagades que os que teñan unha venda nos ollos vexan, a denunciar situacións de humillación e a que levantedes a voz para pararmos estas inxustizas”.
Inés Rey, alcaldesa da Coruña: “Trasladade á rúa o que aprendestes para que deades exemplo e fagades que os que teñan unha venda nos ollos vexan, a denunciar situacións de humillación e a que levantedes a voz para pararmos estas inxustizas”
O CEIP San Francisco Javier da Coruña e ún dos centros nos que se aplican este programa. Todos están integrados en la Red de Centros TEI Tolerancia Cero.
As xogadoras do Dépor asinaron autógrafos
Ao final do acto, tanto a alcaldesa da Coruña, Inés Rey como as futbolistas do Dépor ABANCA conversaron co alumnado do centro herculino. As xogadoras do Dépor, Nuria Rábano e Iris Arnaiz asinaron autógrafos e tomáronse fotografías cos cativos/as que así o quixeron.
