Na mañá do pasado xoves, o club herculino do Viaxes Amarelle FSF xunto con outros equipos da Segunda División Nacional Feminina FS de diferentes grupos trasladou un escrito á RFEF e o Comité Nacional de Fútbol sala onde interpela ás posibilidades reais de que se dispute un playoff de ascenso equitativo e xusto en condicións para todos os clubs implicados, na disputa do mesmo, dado que se trata de competicións non profesionais.
O coxunto galego reflexa no comunicado que “a aposta do club herculino por facer un equipo competitivo e que loitase pola volta á categoría, da que descendeu a tempada pasada, foi plausible nos dous terzos que se disputaron. Grazas a un traballo innegable por parte do corpo técnico e xogadoras do persoal herculino no Grupo I da Segunda División Nacional Feminina FS“.
“É por iso, que unha vez que se paralizou a competición por causa do COVID-19, e segundo ía avanzando a situación; a entidade herculina estivo en contacto coa Real Federación Galega de Fútbol, a cal sempre se mostrou comprensible coa situación das galegas, trasladándolle as dúbidas sobre a situación creada”, engade.
“É por iso que o pasado mes de abril de 2020, o club xunto con outros equipos de Segunda División, e antes de que se desen por finalizadas as competicións; xa requirira á RFEF que marcase unhas datas tope para a disputa dos play- off exprés, os cales nosa entidade sempre estivo disposto a disputar, pero aténdonos a uns prazos que fosen viables, e unhas condicións sanitarias que igualmente puidesen ofrecer igualdade, e sobre todo seguridade, de condicións a todos os equipos implicados”, reza o escrito.
Sorpresa pola falta de interese da RFEF en reunirse
O comunicado expón que “en primeiro lugar, sorprendernos que por parte da RFEF non houbese un interese por realizar unha reunión telemática cos clubs de fútbol sala feminino, implicados nas citadas competicións tanto de play- off polo título de Primeira División Feminina de Fútbol sala como polo play- off de ascenso dos equipos de Segunda División. E sorprende máis, cando a propia RFEF se que se reuniu cos clubs de fútbol sala masculino, así como cos clubs de Segunda División B de fútbol. Sabemos que a RFEF está a apostar por impulsar o fútbol sala feminino, e por eses sorpréndenos tanto, que non chegasen a tentear a postura dos clubs implicados, antes de sacar a circular 68″.
“En clubs de fútbol sala feminino non profesionais (e en competicións non profesionais), e practicamente sen apoios privados, competir en condicións durante unha tempada faise duro; pero máis duro faise para o club ver que se teñen que alongar os compromisos de xogadoras e corpo técnico por un mes e medio máis aló do inicialmente exposto nas normas reguladoras da presente tempada; e ademais sen as garantías de que se poida chegar a disputar o play- off”.
“Xogadoras e corpo técnico fan mil marabillas durante a tempada para poder compatibilizar as súas actividades profesionais ou estudantís, coa competición non profesional, pero que a nivel de adestramentos e traballo semanal pódese considerar semi-profesional. Todos eles teñen os seus plans feitos desde un inicio de tempada, e agora a RFEF quere alongar a competición un mes e medio máis; podendo prexudicar compromisos persoais ou opcións laborais de verán”.
E cita á circular da RFEF: Dado que nas recomendacións básicas da citada circular a RFEF expón que “Durante o tempo que duren os adestramentos e a competición posterior, os xogadores non deben facer vida social e manterse nos seus domicilios ou lugares de concentración cando terminan os adestramentos. Evitando reunións, saúdos coa man a fin de evitar as situacións de posible contaxio.”
“Os equipos implicados no play- off, e que finalmente consigan o ascenso de categoría, arríscanse a ver que o ascenso esta tempada pode ser unha trampa mortal a próxima tempada, e que finalice co descenso de categoría, ou mesmo non poder saír na categoría; por quedar sen practicamente marxe de manobra, para confeccionar persoais, orzamento, etcétera, mentres non teña asegurado en que categoría competirá o curso seguinte·
Incertidumbre la Segunda División
“Mentres que os equipos que están na Primeira División, por comunicarse o non descenso de categoría o pasado mes de abril, xa teñen practicamente pechadas os seus persoais para o próximo curso; así como os equipos de Segunda División que saben en que competición sairán. Pero hai 12 clubs implicados no play- off que son desconocedores da súa situación, e o serán ata que chegue o 25 de xullo; e mesmo podendo chegar a tal data e que finalmente todo o traballo fose en balde, por non darse as condicións necesarias para que se disputen os play- off de ascenso”.
“A disputa dos play- off exprés non se entenden nunha competición onde hai catro grupos, e catro ascensos; e máis cando nun inicio os play- off facíanse cruzando os equipos entre grupos; e actualmente téñense que disputar os play- off dentro do mesmo grupo; cando esta situación só dá garantías de que se dispute aos equipos do grupo 1 que se atopan na mesma comunidade autónoma; pero no resto de grupos atópanse implicadas tres equipos de tres comunidades autónomas diferentes, en cada un dos grupos”.
Os clubs asinantes do escrito á RFEF e ao Comité Nacional de Fútbol sala requiren unha serie de preguntas sobre as casuísticas que se puidesen dar; e o club herculino trasladalas tamén ao público en xeral:
- Que ocorre se chegada a data de disputa dos play- off non é viable que se dispute o mesmo nalgunha sede, e noutras si?
- Se nunha sede dispútanse, e hai un ascenso por gañar o play- off podería haber outro grupo onde por non poder disputarse, ascenda directamente o mellor clasificado en competición regular?
- Anularíanse todos os play- off?
- Se por esa casuística (de non poder disputarse os play- off nalgunha sede), anulásense os play- off. De que valería o mes e medio de adestramento dos equipos?
- Quen asumiría os custos de tentar xogarse algo, que finalmente non se poida xogar? Faríao a RFEF?
- Son competicións non profesionais; é por iso que as xogadoras e técnicos non son profesionais. Isto implica que as xogadoras teñen as súas propias actividades, pero na circular 68, nas Recomendacións básicas xerais fálase de “Durante o tempo que duren os adestramentos e a competición posterior, os xogadores non deben facer vida social e manterse nos seus domicilios ou lugares de concentración cando terminan os adestramentos. Evitando reunións, saúdos coa man a fin de evitar as situacións de posible contaxio.”. Que club non profesional pode facer cumprir isto aos seus xogadores/ as?
- Podemos seguir con estas preguntas, e é por iso, que deixamos unha última pregunta. Por que ninguén da RFEF reuniuse cos clubs de fútbol sala feminino implicados nos play- off, tanto de ascenso como polo título de Primeira División, para valorar as súas visións, algo que se se fixo co fútbol sala masculino e co fútbol?
“A data do 21 de maio de 2020, e coa diferenza de fases de desescalada nas que se atopa o noso país, e sen que a propia federación poida garantir ou obrigar que uns clubs empecen ou non a adestrar en diferentes datas; para poder ofrecer que os diferentes clubs cheguen en igualdade de condicións aos citados play- off; ou mesmo que se poidan disputar os play- off nas 4 sedes nas mesmas datas, ou mesmo só disputarse, por posibles problemáticas que poidan xurdir; non acabamos a necesidade de forzar a disputar este tipo de play- off nunha competición NON PROFESIONAL”.
“As nosas xogadoras estiveron traballando durante todo o período de corentena; e de feito empezaron xa a realizar traballo individual supervisado polo corpo técnico; e cremos nas súas posibilidades de conseguir os seus obxectivos dentro dunha cancha; pero vemos innecesario forzar a xogadoras non profesionais a cumprir un estrito protocolo de illamento, constantes probas de saúde, durante un período dun mes e medio; e sen ter as garantías de que se poida disputar un play- off de ascenso xusto para todos os equipos implicados”.
“A pesar de que a RFEF dá a opción de que un club poida renunciar a participar no play- off, tampouco o acabamos de considerar xusto para un persoal que traballou moi duro durante toda a tempada; e no momento de paralización da competición, as nosas xogadoras non cederan nin unha soa derrota en toda a competición regular, e mantivesen unha vantaxe de 6 puntos sobre o segundo clasificado, cun partido menos disputado que as súas perseguidoras”.
“O club insta á RFEF e ao Comité Nacional de Fútbol sala a que reaccione e entenda as peculiaridades da competición e non acabe por obrigar a unhas xogadoras non profesionais a perder todo o verán; e poida acabar por desafiuzar a algunha entidade con gastos innecesarios, por alongar a tempada un mes e medio máis; e ademais implicar a unha serie de medidas de seguridade durante o período de adestramento, que non van resultar gratuítas; cando vén encima do deporte, e da sociedade en xeral, unha crise económica importante2.
