- Compostela acolle hoxe sábado, o Campionato Galego de Loita Libre Olímpica, Feminina e Grecorromana (categorías júnior e escolar), en xornada de mañá: 10:00 a 14:00 horas, así como o Campionato Galego de Grappling-Gi masculino e feminino, en todos os grupos de idade, en xornada de tarde: de 16:00 a 20:00 horas.
A Federación Galega de Loita (FEGALOITA) en colaboración co Concello de Santiago de Compostela, organizarán este campionato Galego con un total de 190 inscricións para ambos campionatos. A burbulla da Federación Galega de Loita e D.A. ten na capital galega a primeira competición organizada da nova tempada 2022. A competición terá lugar hoxe, sábado 29 de xaneiro en sesións de mañá e tarde en Santa Isabel.
A seguridade e os protocolos de prevención da transmisión da COVID19, rexerán ambas as dúas competicións, establecendo un marco único de seguridade para todos os participantes. En total haberá 21 equipos que representan as 4 provincias Galegas neste torneo de máximo nivel autonómico.
A competición desenrolarase en xornada de mañá, dende as 10:00 ata as 14:00 horas, e de tarde dende as 16:00 ata as 20:00 horas, de xeito ininterrompido, sendo a entrada o campionato totalmente controlada polo protocolo de prevención da transmisión da COVID-19 e gratuíta para os asistentes e curiosos que queiran achegarse.
A categoría escolar inclúe participantes de 13 a 15 anos, e a júnior de 17 a 20 anos, no caso das Loitas Olímpicas, agardándose a participación dun cento de deportistas. Figuran inscritos 14 clubs que representan as catro provincias galegas.
No caso do Grapping-Gi haberá competición en categorías: Escolar, cadete, júnior e sénior e espérase o concurso de 90 deportistas. Hai inscritos 7 clubs de Galicia.
Filtro para os campionatos estatais de loita
Este campionato será o primeiro filtro para seleccionar os deportistas que acudirán os campionatos de España representando a Galicia para este ano 2022. Temos que recordar que Santiago de Compostela será a sede do campionato de España mais numeroso para este ano 2022: Campionatos de España U-15, U-17 e U23, no mes de marzo. Os campionatos de España de Grappling-Gi, serán en Sevilla a finais de febreiro.
Desde a Federación Galega de Loita salientan que o Colexio Galego de Árbitros e Xuíces está de noraboa polas últimas convocatorias dos nosos árbitros para participar en eventos internacionais coa selección nacional. Xustamente xuices deste colexión dirixirán a competición que se desenrolará en tres tapices oficiais de 10 x 10 metros, cos novos valores do arbitraxe Galego. De este xeito, poden avaliar o nivel dos colexiados que acudirán os vindeiros campionatos de España, representando a Galicia.
A competición está organizada pola Federación Galega de Loita e D.A., o club Loita Stellae e o Concello de Santiago de Compostela.
