Demasiados partidos seguidos, unha plantilla curta que se deixa todo en cada partido… pasou o que podía pasar. O Dépor ABANCA acusou o cansanzo acumulado diante do Sporting Huelva conxunto co que se medía esta fin de semana en terras andaluzas. As futbolistas de Manu Sánchez caeron derrotadas por un 3-0. Con este resultado, as onuvenses ratifican a súa permanencia na Primera Iberdrola.
SPORTING 3 – DÉPOR 0 (94′) FINAL
¡El Sporting Huelva, Ciudad se Marca consigue la permanencia a lo grande a falta de 4 partidos para el final de liga!#PrimeraIberdrola#15añosenlaelite #16añosenlaelite pic.twitter.com/JfmGkMp4bu
— Sporting Club Huelva (@sportinghuelva) May 23, 2021
O cruce comezou tranquilo e con moito coidado en ambas as dúas escuadras. Tanteando ao rival dun bando e do outro. Superado o primeiro cuarto de hora houbo unha ocasión para cada equipo. Sen consecuencias en ambos casos.
Houbo algnha chegada máis de perigo por parte de As Nosas deportivistas nos pés de Alba Merino e Athenea del Castillo, pero sen consecuencias. Esther Sullastres tivo que aplicarse a fondo nun par de contras.
O primeiro gol local chegaría a falta de cinco minutos para o descanso cun tiro directo desde o curruncho a saque de Fatou Kanteh que anotó así un gol olímpico (1-0).
Non houbo moito cambio de guión na segunda metade, salvo polo feito de que o Dépor ABANCA aínda estaba máis canso e as pernas non respondían como doutras veces.
E outra vez o balón parado foi a condena do Dépor ABANCA que recibía o segundo gol froito do pateo dunha falta directa desde 45 metros da futbolista local Cinta Rodríguez.
Quedaban 20 minutos, pero poucos folgos na recámara. Sullastres evitou que medrase a distancia local, pero ao final Dany Helena conseguiu volver perforar a meta deportivista.
Final do #SportingHuelvaDéporABANCA no Campo de La Orden: 3-0#TocaVolverseMollar ⚽️ #UnÚnicoLatido 💙 #razónDÉcorazón pic.twitter.com/AkWQ6uLP5P
— RC Deportivo (@RCDeportivo) May 23, 2021
Con esta derrota o conxunto coruñés queda a cinco puntos da salvación. Hai nove puntos en xogo dos cales seis serán na casa para as galegas e un dos máis importantes, fóra, ante o Real Betis que tamén está inmerso na lea da salvación.
FICHA TÉCNICA
SPORTING HUELVA: Chelsea, Vanesa Santana, Cinta Rodríguez, Fatou Kanteh, Mayra Ramírez, Kristina Fisher, Dany Helena, Pau (Ana Carol, min. 65), Patri Ojeda, Castelló (Calire Falknor, min. 83) e Yoko Tanaka.
DÉPOR ABANCA: Sullastres, Cris, Blanco, Iris, Villegas (Helena Torres, min. 73), Patri, Alba, Ainoa (Eva Dios, min. 80), Gaby, Athenea e Peke.
GOLES: 1-0 Fatou Kanteh (min. 41); 2-0 Cinta Rodríguez (min. 69); 3-0 Dany Helena (min. 73)
ÁRBITRA: Gallastegui Pérez (c. Vasco). Amonestó a Stephannie Blanco (min. 67).
INCIDENCIAS: Partido correspondente á 31ª xornada de liga na Primera Iberdrola disputado no Campo de La Orden de Huelva.
