Preto dun cento de participantes na volta autonómica á competicións de loita

A localidade de Vila de Cruces retomou o pulso da competición autonómica. A Federación Galega de Loita (FEGALOITA) en colaboración co Club de Loita Keltoi e o Concello de Vila de Cruces, organizaron os campionatos galegos de Grappling-GI, no que o trunfo foi para o Club Sportfight Ferrol e Loita Sambo, no que venceu o Judo Club Senin Vilagarcía. Estas competicións contaron cun total de 98 inscricións.

A burbulla da Federación Galega de Loita e D.A. tivo en Vila de Cruces, a súa segunda competición organizada en Galicia nos últimos 13 meses. Este sábado foi a continuación desta nova tempada.

A seguridade e os protocolos COVID, rexeron todas as competicións, establecendo un marco único de seguridade para todos os participantes. A obrigatoriedade de facer os test de antíxenos naseo-faríngeos, previos a competición, foron a grande novidade de estes eventos. En total houbo 15 equipos que representaron as 4 provincias Galegas neste torneo de máximo nivel autonómico.

Os campións Galegos de Loita Sambo, teñen a opción de participar nos campionatos de España para os vindeiros 1 e 2 de Maio en San Agustín de Guadalix (Madrid).

A competición de Grappling-GI e Loita Sambo desenrolouse en xornada de tarde, dende as 16:00 ata as 20:00 horas, de xeito ininterrompido, Os seleccionadores galegos estiveron moi pendentes dos resultados dos deportistas para confeccionar as diferentes seleccións Galegas.

Desde a Federación Galega de Loita e D.A. (FEGALOITA) destacan a organización do primeiro campionato galego de Loita Sambo, que levaba 25 anos sen actividade. FEGALOITA aposta polo deporte, “os tempos de crise son tempos de oportunidades”, o aumento das persoas participantes de Loita Sambo foi exponencial, tendo un campionato Galego de grandísimo nivel.

• GRAPPLING-GI: CLASIFICACIÓN FINAL POR CLUBS

• SAMBO: CLASIFICACIÓN FINAL POR CLUBS 

FEGALOITA salienta a incorporación das mulleres á arbitraxe

Por outra banda, desde FEGALOITA exponse que “o Colexio Galego de Árbitros e Xuíces, estase adaptando con gran rapidez e criterio as novas modalidades deportivas. Destaca de xeito salientable o aumento de colexiadas mulleres, que están formando parte activa do Colexio Galego de Árbitros-Xuíces. Felicitar os Clubs e o Colexio de Árbitros, pola aposta feita, nos novos valores”.

Federación Galega de Loita e D.A. agrade a “inestimable colaboración do Concello de Vila de Cruces, aberto sempre o deporte e que garante que estas competicións podan levarse a cabo, o Club de Loita Keltoi, a Secretaría Xeral para o Deporte e a Deputación de Pontevedra, así como os patrocinadores privados colaboran para que sexa posible organizar este tipo de eventos”.