O Xuíz de Competición da Real Federación Española de Fútbol atendeu a solicitude do CD Valladares para o adiamento do partido programado para hoxe ás 16:30 h. no campo 5 da Cidade Deportiva de Abegondo fronte ao RC Deportivo Abanca B de Primeira Nacional do fútbol feminino español.
Tal e como informa o RC Deportivo: “Un caso positivo por COVID-19 detectado no equipo vigués e os días de illamento que deben cumprir os contactos estreitos do devandito positivo dentro do plantel motivaron esta solicitude para que non se dispute o partido da quinta xornada da tempada”.
Queda pendente de decidirse a data de celebración deste encontro adiado. Segundo se explica desde o club deportivista o Xuíz de Competición determinou que haberá que fixar “unha nova data o máis próxima no tempo que se determinará por este órgano axiña que como se acrediten todas as circunstancias que permitan a disputa do mesmo”.
