O adestrador do Club Compañía de María senior é Álvaro Rodríguez Franqueira. O técnico adestra a un grupo de rapazas moi novas saídas da canteira do club. O Compañía de María é outras das entidades coruñesas que hai tempo que traballa arreo pola base do hoquei a patíns.
Consultado sobre as aspiracións do Compañía de María nesta competición que da comezo, a Liga Senior Feminina Autonómica de Hoquei a Patíns, o adestrador apunta: “o noso obxectivo principal é competir todos os partidos e que as xogadoras sigan aprendendo e mellorando. A partir disto, o ideal sería estar entre as catro primeras e poder disputar a final a catro”.
Alvaro Rodríguez Franqueira, adestrador, Compañía de María: “o noso obxectivo principal é competir todos os partidos e que as xogadoras sigan aprendendo e mellorando. A partir disto, o ideal sería estar entre as catro primeras e poder disputar a final a catro”
Rodríguez Franqueira traballará, ao igual que no caso doutros dos clubs desta categoría, cun grupo de xogadoras cunha media de idade nova. “É unha plantillas moi xove”, apunta o adestrador. “A xogadora de máis idade ten 21 anos, o resto están entre os 18 e os 15. Mesmo un par de xogadoras de 14 que veñen convocadas moitas veces”, advirte o técnico das coruñesas.
Contar cunha media de idade moi nova ten cousas boas, pero tamén ten contras. Por exemplo, as carencias de
bagaxe competitivo. “Por a idade, se cadra fáltanos, con respecto a outros equipos, experiencia”, admite o adestrador. Con todo, di Álvaro Rodríguez Franqueira que este ano no Compañía de María teñen “un marxe de mellora ampla” e vaticina que han medrar “segundo avancen os partidos”.
Alvaro Rodríguez Franqueira, adestrador, Compañía de María: “Temos unha marxe de mellora ampla e medraremos segundo avancen os partidos”
As rapazas que integran a plantilla do Club Compañía de María coñécense ben como bloque. Aínda así, haberá incorporacións. “A maioría de xogadoras levan varios anos xogando xuntas pero nesta tempada chegaron dúas novas que nos aportan cousas que non tiñamos e que pouco a pouco van adaptándose”, relata Álvaro Rodríguez.
O primeiro rival do Compañía de María será o HC Cambre
O primeiro cruce do Cía de María será como local recibindo ao HC Cambre o domingo 2 de febreiro ás 14:00 horas. O partido vaino pitar Lorenzo Bosch Sande. Afrontan o cruce “con ilusión por comezar a Liga e con expectación por ver ás nosas rivais. Aínda que o Cambre é un equipo novo nesta categoría, ten boas xogadoras e seguro que será un partido difícil”, advirte Rodríguez Franqueira.
