O BAXI Ferrol continúa contando os seus partidos por vitorias e esta tarde non tivo ningunha complicación para sumar o seu terceiro triunfo ante o Vega Lagunera Adareva ao que superou por un contundente marcador de 96-39.
O equipo ferrolán segue baseando o seu xogo nunha defensa moi intensa, que lle permite roubar moitos balóns e anotar con facilidade. As galegas comezaron o encontro contra o Vega Lagunera Adareva cunha presión sobre o rival para tentar desgastarlle, chegando ao final do primeiros dez minutos cunha vantaxe de 24-13.
No segundo parcial, as xogadoras locais tiñan numerosas posesións, grazas aos roubos de balón, o que lles permitía ir incrementando a súa renda co Vega Lagunera Adareva até chegar ao descanso cun cómodo 53-20.
Na continuación, o BAXI Ferrol seguía castigando ao seu adversario, que lle custaba moito ver aro e, pola contra, o equipo departamental montaba rápidos contraataques, que lle daban un aumento da súa renda até o 77-25.
Nos dez últimos minutos, afrouxou un pouco a intensidade defensiva o cadro ferrolán, aínda que a vantaxe incrementouse con Vega Lagunera Adareva até chegar ao final do partido coa vitoria por 96-29, o que lle permite seguir á fronte da clasificación da LF2.
